Shardara aýdanyndaǵy Jaýshyqum aýyly sońǵy ýaqytta jurtqa bitik ósken jýasymen tanylyp keledi. Oǵan sebep – alqapqa pııaz gollandııalyq tásilmen egiledi. Osylaısha, qol kúshimen atqarylatyn jumystyń barlyǵy búginde tehnıkamen júzege asyrylady, ıaǵnı sharýalar aramshóp otaý, pııazdy qolmen jegeneleý sııaqty mashaqattardan birjola qutylady.
Seıdýlla Domatovtyń ıeligindegi «Turar» sharýa qojalyǵy bıylǵy jyly 30 gektar jerge pııaz tuqymyn seýip, qazirgi tańda ónimdi jınaýmen aınalysyp jatyr. Dıqandardyń kóńilderi kóterińki, sebebi gektar túsimi 850 sentnerden aınalyp otyr. Al ár gektardan 85 tonnadan pııaz ónimin alý óte joǵarǵy kórsetkish bolyp tabylady. Jaýshyqumnyń jýasy qazirgi tańda Astana, Aqtóbe, Almaty qalalaryna tasymaldanyp, saýdaǵa shyǵarylyp jatyr. Sonymen qatar, aýdan basshylarynyń uıymdastyrýymen aýyldan arnaıy beket ashylyp, jergilikti turǵyndarǵa daqyldyń kelisi 50 teńgeden satylýda. Bazarda bıylǵy ósirilgen pııazdyń baǵasy 80 teńgeden ekenin eskersek, arnaıy bekettegi arzan baǵa halyqtyń qaltasyna jeńil tıip jatqany sózsiz.
Ádil ÁBDIRAMANOV
Ońtústik Qazaqstan oblysy