«Damý» qory men Almaty qalalyq ákimdigi KassaQara jáne Astana bankine «Damý Blıs» tehnologııasyn jalǵastyrý úshin taǵy 3 mıllıard teńge bólip otyr. Sonymen, parıtetti negizde 2 mıllıard teńge Astana bankine jáne 1 mıllıard teńge «Bank KassaQara»-ǵa bólindi. Qarajat «Damý Blıs» tehnologııasyn jalǵastyrý úshin berildi.
Otandyq orta jáne shaǵyn kásipkerlerge bıznesin damytý úshin jylyna 7 paıyzben bólinetin nesıe negizgi quraldardy jańartyp, jańasyn satyp alý úshin 84 aıǵa deıin, aınalymdaǵy qarajatty toltyrý úshin 36 aıǵa deıin teńgemen beriledi. Iаǵnı bir nesıe alýshynyń qolyna 180 mıllıon teńgege deıingi soma tıedi.
«Jyl basynan beri «Bank KassaQara» AQ, «Alfa Bank» AQ jáne «Astana Banki» AQ arqyly Almaty men Almaty oblysynda júrgizilgen qanatqaqty jobanyń nátıjesi jaqsy boldy. Osy ýaqyt aralyǵynda quny 780,5 mıllıon teńgeniń 58 jobasy maquldandy. О́tinimdi qaraý ýaqyty orta eseppen 7 kúndi qurady. Biz «Damý Blıs» tehnologııasy boıynsha bızneske bólinetin nesıeniń paıyzdyq mólsherlemesin eki esege deıin tómendettik. Qazir ol jylyna 7 paıyzdy quraıdy. Bul – Almaty qalalyq ákimdigi tarapynan qosymsha qarjylandyrý bolǵanynyń arqasy. Saýda, qoǵamdyq tamaqtandyrý orny, qyzmet kórsetý salasymen qosa biz jeńil ónerkásip, farmasııa, balalarǵa arnalǵan damytý ortalyqtary, hostelder men shaǵyn qonaqúıler salasyn qoldaýdy da engizdik. Buǵan startap joba ıeleri de qatysa alady», – dedi «Damý» qorynyń basqarma tóraǵasy Qanysh Tileýshın.
Jyldam nesıeleýdiń tóte joly bolyp tabylatyn «Damý Blıs» tehnologııasy 2016 jyly qanatqaqty joba retinde Almaty men Almaty oblysynda ekinshi deńgeıli «Astana Banki» AQ, «Bank KassaQara» AQ, «Alfa Bank» AQ bankterinde engizilgen bolatyn.
Bul tehnologııa jeńil resimdep, 3-7 kún ishinde jedel nesıe berýdi kózdeıdi. Qanatqaqty jobada úsh baǵyt iske qosylǵan. Olar: 3 mıllıon teńgege deıingi, 30 mıllıon teńgege deıingi jáne negizinen startap joba ıeleri úshin 20 mıllıon teńgelik nesıe. Barlyq baǵyt boıynsha nesıeniń jyldyq mólsherlemesi bastapqyda 14 paıyzdy quraǵan bolatyn. Bankterde osy tehnologııamen jumys isteıtin barlyq menedjerler konsaltıng kompanııasynda oqytyldy.
«Damý» qory osyndaı jedel nesıeleý tájirıbesin jyl sońyna deıin basqa óńirlerge de engizbekshi. Astana men Almaty qalasynyń kásipkerleri úshin 60 mıllıon teńgege deıingi shaǵyn nesıeni qoldaıdy. Al basqa óńirler úshin 30 mıllıon teńgelik nesıe qarastyrylǵan. Qaryz 84 aıǵa deıin beriledi. Sonymen qatar, ınvestısııaǵa 60 aıǵa deıin, aınalymdaǵy qarajatty toltyrýǵa 36 aıǵa deıin beriletin 20 mıllıon teńgelik mıkrostart nesıe de bar.
Aınash ESALI,
«Egemen Qazaqstan»
ALMATY