[caption id="attachment_54765" align="aligncenter" width="560"] fdk.kz[/caption]
Rıo-de Janeıroda Olımpııalyq oıyndar bastalar aldynda Qazaqstannyń dzıýdodan ulttyq qurama komandasynyń qarsylastary anyqtaldy, dep habarlady «Egemenniń» arnaýly tilshisi Baqtııar Taıjan.
Jerebe tartý rásiminde 60 kılo salmaqtaǵy álem chempıony Eldos Smetovtyń alǵashqy aınalymda Lıvııa balýany Elkabısa Mohamed Elhadımen beldesetini belgili boldy.
66 kıloda Jansaı Smaǵulov alǵashqy aınalymda belgııalyq sportshy Iаıper Lefebermen kezdesedi.
73 kıloda Dıdar Hamza birinshi kezdesýinde Gambııanyń balýany Faıa Njıemen beldesedi.
100 kılo salmaqtaǵy balýan Maksım Rakov jarysty ekinshi aınalymnan bastaıdy. Ol estonııalyq Grıgorıı Mınashkınmen kezdesedi.
Al áıelder arasyndaǵy beldesýde Otgonseseg Galbadrahtyń da (48 kg ) kúresi ekinshi aınalymnan bastalady. Ol Gvıneıa-Bısaý sportshysy Tasıana Lımamen beldesetin bolady. 63 kıloda Marııam Ordabaeva birinshi aınalymda qytaılyq Iаn Szıýnmen kezdesedi.
Jerebe tartý rásiminen keıin Qazaqstannyń erler quramasynyń bas jattyqtyrýshysy Ermek Imambekov óz oıymen bólisti. «Anaý jaqsy, mynaý jaqsy dep aıtýǵa bolmaıdy. Olımpııalyq oıyndarǵa árbir sportshy utý úshin, eliniń namysyn abyroımen qorǵaý úshin keldi. Sondyqtan jerebe boıynsha bir kezdesý jeńil bolady, bireýi aýyr bolady dep aıta almaımyn. Jolymyz bolyp, jigitterimiz nátıje kórsetse deımiz. Jattyǵýlar barysynda úıretken nárselerimizdi is-júzinde paıdalanyp, alǵa qoıǵan maqsattaryna jetsin degen tilegimiz bar. Sportshylar bir-birin jaqsy biledi. Gran-Prı, Álem jáne Azııa chempıonattary sııaqty jarystarda talaı kezdesken. Kim psıhologııalyq turǵyda myqty bolsa, sol jeńis tuǵyryna shyǵady», dedi ol.
Esterińizge sala ketsek, dzıýdo jarystary 6-12 tamyz aralyǵynda ótedi. Eldos Smetov (60 kg) pen Otgonseseg Galbadrah (48 kg) jarysty 6 tamyzda bastaıdy.
Dastan KENJALIN