Shveısarııalyq Omega kompanııasy Rıo-de-Janeırodaǵy Olımpıada oıyndarynyń ashylý saltanatyna oraı, Seamaster Diver 300M «Rio 2016» dep atalatyn jańa saǵatty kópshilikke usyndy.
Saǵattyń sıferblatynda Rıodaǵy ataqty Kopakabana jaǵajaıynyń qumdaryn eske salatyn sýret órnektelgen. Olımpıadanyń resmı logotıpindegi 5 shyǵyrshyqpen birdeı 5 túrli tús te kórinis tapqan. Artqy qaqpaǵynda «Rıo-2016» logotıpi beınelenip, ishki elementterine qola, kúmis jáne altyn paıdalanylǵan.
– Bizdiń saǵatpen sýǵa qoryqpaı túse berýge bolady. 300 metr tereńdikke deıin sý ótkizbeıtinine kepildik beremiz, – deıdi kompanııa ókili. Onyń aıtýynsha, saǵattyń syrtqy bólikteriniń barlyǵy tot baspaıtyn bolattan jasalypty.
Omega kompanııasy «Rıo-2016» Olımpıadasynyń resmı hronometrısi ekenin aıta ketý kerek. Kompanııa buǵan deıin birneshe jazǵy jáne qysqy Olımpıada oıyndarynda osyndaı jaýapty mindet atqarǵan.
Nurtóre SAMARHAN