Tilge qurmet – elge qurmet

Keshe ústimizdegi jyldyń 3 sáýirinde ótetin kezekten tys prezıdenttik saılaýǵa qatysý úshin Ortalyq saılaý komıs­sııa­syna ótinish bergen Memleket basshysy Nursultan Na­zar­baev Lıngvıstıkalyq ko­mıs­sııanyń múshelerine mem­lekettik til – qazaq tilinen synaq tapsyrdy. Ol bir saǵattan astam ýaqytqa sozyldy. Memleket basshysynyń synaq tapsyrý nátıjesin Lın­gvıs­tıkalyq komıssııanyń tór­aǵa­sy Myrzataı Joldasbekov óte joǵary baǵalady. «Nur Otan» ha­lyqtyq-demokratııalyq par­tııa­­sy atynan saılaýǵa túsken Nursul­tan Nazarbaev aldymen «Álemdik qoǵamdastyqtaǵy Qazaqstan» ta­qyrybyna shyǵarma jazsa, ekinshi synaq boıynsha Abaıdyń qara sózderin aýyzsha aıtyp berdi. Úshinshi synaq «Qoǵam jáne demokratııa» taqyrybyna 15 mınýt sóz sóıleý bolatyn. Elbasy bul ta­qyrypty barynsha keńirek qam­typ, tapsyrmany tamasha oryn­da­dy. Osylaısha, Lıngvıstıkalyq komıssııa músheleri Elbasy sy­naq qorytyndysy boıynsha qa­zaq tilin múltiksiz meńgergen degen sheshimge keldi, dedi ol. Son­daı-aq komıssııa tóraǵasy M.Jol­dasbekov jazbasha tapsyrmanyń óte taza, qatesiz jazylǵandyǵyn atap kórsetti. Synaqtan soń jýrnalısterge bergen qysqasha suhbatynda Elba­sy memlekettik tildi meńgerý boı­yn­sha ótken synaqty sátti tap­syr­dym dep oılaıtynyn aıtyp ótti. Elimizdiń Ata Zańy jáne saılaý týraly Zańyna saı, prezıdenttikten úmitkerge qoıylatyn talaptardyń biri memlekettik til­di bilý bolyp tabylady. Men Or­talyq saılaý komıssııasyna sy­naq tapsyrdym dep esepteımin. Ony komıssııa qabyldady. Son­dyqtan men bul synaqtan qaıtadan óttim, dedi Nursultan Nazarbaev. Prezıdenttikke kan­dı­­dattyń memlekettik tildi meńgerýi min­detti shart ekendigine toq­tal­ǵan Elbasy olarǵa ulty boıynsha shekteý qoıylmaıtyndyǵyn atap aıtty. Prezıdenttikke kandı­dat­tardyń ultyna shekteý qoıyl­maı­dy. Konstıtýsııanyń bapta­ry­na sáıkes kez kelgen ult ókil­deri kandıdat retinde tirkele ala­dy. Alaıda olar memlekettik tildi erkin meńgerýi tıis. Bul Qazaq­standa ǵana emes, ózge de memleketterde bar synaq, dedi ol. Memleket basshysy sondaı-aq elimizge orys tili men aǵylshyn til­deriniń qajettiligine qysqasha toqtalyp ótti. Biz álemdik máde­nıet jáne bilim men ǵylymǵa tikeleı shyǵý quraly retinde meń­ger­gen orys tilindegi deńgeıi­miz­di tómendetip almaýymyz kerek. О́ıtkeni, orys tili BUU-da qol­da­nylatyn álemdik 6 tildiń biri ekeni aıan. Al bizdiń balalarymyz jahanǵa kerek ınnovasııa jáne sońǵy tehnologııalardyń tili – aǵylshyn tilin bilýleri mindetti. Bul til álemde obektıvti túrde suranysqa ıe ári qajetti til, dep atap kórsetti Memleket basshysy. Lıngvıstıkalyq komıssııa­nyń sheshimi Ortalyq saılaý ko­mıssııasyna tapsyryldy. Al OSK óz kezeginde aldaǵy 5 kún ishinde «Nur Otan» HDP atynan prezıdenttikten úmitker retinde tirkelgen Nursultan Nazar­baev­ty QR Konstıtýsııasy men «QR saılaý týraly» Konstıtýsııalyq zańynyń talaptaryna saı ekendigi týraly sheshim qabyldaıtyn bolady. Venera TÚGELBAI.