Qazaqstandyq dzıýdoshy Jansaı Smaǵulov Rıo-de-Janeıro Olımpııalyq oıyndary týrnıriniń ekinshi aınalymynda Koreıa sportshysy An Ba Ýldan utylyp qaldy.
66 kıloǵa deıingi salmaqtaǵy bul jekpe-jekte koreı palýany taza jeńiske jetti. Ol «ıppon», «vazarı» mártebelerimen basym tústi. Buǵan qosa, qazaqstandyq atlet eki eskertý aldy.
Aıta ketý kerek, koreı sportshysy 1/32 fınaldan bos boldy. Al Jansaı belgııalyq Iаsper Lefevrden basym túsken edi. Endi 1/16 fınalda jarys jolynan shyǵyp qalyp otyr.
Munyń aldynda Qazaqstan qorjynyna túsken eki medaldy da dzıýdoshylar áperdi. Atap aıtqanda, Eldos Smetov – kúmis, Otgonseseg Galbadrah qola medal alyp keldi.
Damır QOJAMQUL