[caption id="attachment_55030" align="aligncenter" width="560"] Foto: khabar.kz[/caption]
inform.kz-tiń habarlaýynsha, Qazaqstannyń basym bóliginde atmosferalyq aǵyndardyń ótýimen kún kúrkirep, jańbyrly aýa raıy saqtalady. Elimizdiń soltústiginde, soltústik-batysynda, ońtústiginde, ońtústik-batysynda jáne ortalyǵynda kún ashyq bolady. Soltústikte keı jerlerde tuman túsip, jel kúsheıedi. Al ońtústik oblystarda shańdy daýyl kóteriledi. Shyǵysta burshaq jaýýy múmkin.
«Qazgıdromet» mamandarynyń málimetine súıensek, Shyǵys Qazaqstan oblysynda kún kúrkireıdi, jel 15-20 m/s-qa deıin kúsheıedi, kúndiz burshaq jaýýy múmkin.
Jambyl oblysynyń keı jerlerinde shańdy daýyl kóteriledi, kúndiz kún kúrkireıdi, jeldiń kúshi 15-20 m/s bolady.
Atyraý oblysynyń aýmaǵynda aýa raıy buzylyp, kún kúrkirep, jeldiń soǵý jyldamdyǵy 15-20 m/s-ti quraıdy.
Kúndiz Aqtóbe, Batys Qazaqstan oblystarynyń keı jerlerde kún kúrkireıdi.
Almaty oblysynyń aýmaǵynda jel 15-20 m/s-qa deıin kúsheıse, dál osyndaı aýa raıy Pavlodar oblysynda da saqtalady, kúndiz kún kúrkirep, naızaǵaı oınaıdy.
Soltústik Qazaqstan oblysynda túnde jáne tańerteń tuman túsedi.
Ońtústik Qazaqstan, Qyzylorda oblystarynda kúndiz jel 15-20 m/s-qa deıin baryp, shańdy daýyl kóteriledi.
Kúndiz Mańǵystaý, Atyraý, Batys Qazaqstan, Aqtóbe oblystarynda, Qostanaı, Qaraǵandy oblystarynyń keı jerlerinde aptap ystyq bolady.
Qyzylorda, Ońtústik Qazaqstan oblystarynda, Jambyl oblysynyń keı jerlerinde óte joǵary órt qaýpi saqtalady.
Talǵat RAIYMBEK