[caption id="attachment_55057" align="aligncenter" width="560"] Foto: tengrinews.kz[/caption]
Bilim men biliktilik zamanynda aqyl-parasatyn el ıgiligine jaratyp, qurmettelýdiń ornyna aıarlyqtyń arbaýyna túsip jatqandarǵa qynjylasyń. Olar aramyzda az emes eken. Máselen, «Kontrafakt» respýblıkalyq jedel-aldyn alý sharasynyń eki kúni ishinde tehnologııalyq aqparattandyrý salasynda 19 qylmys tirkelgen. Onyń ishinde avtorlyq jáne aralas quqyqqa qııanat jasaýshylar da bar.Oblystyq ishki ister departamentiniń baspasóz qyzmetinen alynǵan, jurtshylyqty muqııat bolýǵa shaqyratyn myna mysaldy alǵa tartqymyz keledi.
Ústimizdegi jyldyń 30 shildesinde 40 jastaǵy oblys turǵyny polısııaǵa shaǵym túsirgen. Ol 2015 jyldyń maýsym aıynda belgisiz bireýlerdiń ınternet arqyly shaǵyn nesıe uıymynan bunyń atyna 47000 teńge nesıe qarajatyn rásimdegenin aıtyp, olardy qylmystyq jaýapkershilikke tartýdy ótinipti. Jábirlenýshi eshqandaı nesıe qarajatyn almaǵan, bul týraly araǵa bir jyl salyp, úıine sot oryndaýshylary kelgende ǵana biledi. Nesıe aıma-aı ótelmegendikten, nesıeniń paıyzdyq ósimi 230000 myń teńgege jetken.
Polısııa qyzmetkerleri úsh kúndik izdestirý sharalarynyń nátıjesinde ınternet-alaıaqty anyqtady. Ol Shýchınsk qalasynyń 32 jastaǵy turǵyny bolyp shyqty.
Keıin belgili bolǵanyndaı, jábirlenýshi men kúdikti jumysy boıynsha áriptes bolyp shyqqan. Sondyqtan, qyzmettesiniń qujattaryna qol jetkizip, poshtalyq meken jaı men nesıelik qujattar daıyndaý qıyndyq týdyrmaǵan.
Qazir Qylmystyq kodekstiń 190 babynyń 1 bólimimen (alaıaqtyq) qylmystyq is qozǵalyp, kúdiktiniń jeke kompıýteri men jábirlenýshiniń kóshirme qujattary zattaı aıǵaq retinde alyndy.
Baqbergen AMALBEK