Býkmekerler búgin túnde Rıodaǵy Olımpııalyq oıyndar tuǵyryna shyǵatyn qazaqstandyq aýyr atlet Farhad Harkıdi medal alatyn úmitkerler úshtigine qosyp qoıdy.
«62 kıloǵa deıingi salmaqtaǵy Harkı medaldan úmitkerler tizimine engizildi. Býkmekerlerdiń pikirlerinshe, qazaqstandyq sportshy júldegerler úshtigine kirý úshin kúrese alady, onyń mundaǵy koeffısıenti 2.5-ke teń», - delingen habarlamada.
Al altyn medaldan basty úmitker retinde álemniń eki dúrkin chempıony, qytaılyq Chen Lıszıýan atap ótilýde. Onyń múmkindigi – 1.1-ge teń. Júldegerler úshtigi úshin sondaı-aq ındonezııalyq Eko Iýlı Iravan (1.3) men kolýmbııalyq Oskar Albeıro Fıgýroa Moskera (1.75) talasa alady.
Aıta keteıik, 62 kıloǵa deıingi aýyr atletterdiń jarysy tamyzdyń 9-na qaraǵan túni Astana ýaqytymen saǵat 04:00-te bastalady. Ol «Qazaqstan» telearnasynan tikeleı efırde kórsetiledi.
Damır QOJAMQUL