Palestına úkimeti tolyq qurammen otstavkaǵa ketti. Bul jóninde 2007 jyldan beri Palestına ulttyq avtonomııasynyń premer-mınıstri qyzmetin atqaryp kelgen Salam Faııad málimdegen.
Sonymen birge, sarapshylar oǵan Palestına avtonomııasynyń basshysy Mahmýd Abbastyń jańa úkimet jasaqtaý jóninde tapsyrma berýi múmkin ekenin de joqqa shyǵarmaıdy. Osy oraıda osydan bir jyl buryn Palestına parlamentiniń merzimi aıaqtalǵanyn da aıta ketý qajet. Al HAMAS qozǵalysy bolsa, avtonomııa basshysy M.Abbastyń ókilettiginiń osydan eki jyl buryn aıaqtalǵanyn kóldeneń tosyp, 13 aqpanda ózderiniń jańa saılaýǵa qatyspaıtyndaryn málimdegen bolatyn. Sarapshylardyń aıtýlarynsha, úkimettiń otstvakaǵa ketýine avtonomııa ishindegi eleýli problemalar túrtki bolǵan syńaıly.
AQSh-QA SAPARYN KEIINGE QALDYRDY
Iemen prezıdenti Alı Abdýlla Saleh elde ótip jatqan qarsylyq aksııalaryna baılanysty AQSh-qa saparyn keıinge qaldyrdy, dep habarlady «Bostandyq» radıosy.
Bılik ókilderiniń habarlaýynsha, jaǵdaı jaqsarǵan kúnde sapar osy aqpan aıynyń sońynda júzege asatyn bolady. Aıta ketý kerek, osynyń aldynda ǵana Sana qalasynda san myńdaǵan halyq qatysqan ereýil bolyp, jınalǵandar reformalar júrgizýdi jáne A.Salehtyń otstavkaǵa ketýin talap etken bolatyn.
TAÝLY KARABAHQA KО́MEK BERÝDI TOQTATÝDY TALAP ETÝDE
AQSh-taǵy ázirbaıjan jáne túrik qaýymdastyqtary Taýly Karabahqa qarjylaı kómek kórsetýdi toqtatýdy talap etip Senat pen О́kilder palatasyna myńdaǵan hat joldaǵan.
Ázirbaıjan jáne túrik qaýymdastyqtary AQSh-taǵy ekonomıkalyq ósimniń tómen jaǵdaıynda Taýly Karabahqa kómekti ulǵaıtý negizsiz dep sanaıdy. AQSh Kongresi bolsa 1998 jyldan bastap Taýly Karabahqa kómek kórsetip keledi. 2006 fıskaldyq jylda Karabahqa kórsetilgen amerıkalyq kómek—3 mln., 2007-2008 jyldary—5 mln., al 2009 jyly 8 mln. dollardy quraǵan.
TÚRKIIа MEN IRAN TAÝAR AINALYMYN ULǴAITA TÚSPEK
Biz jan-jaqty qyzmettestikti jalǵastyrýǵa jáne taıaý ýaqyttarda Iran men Túrkııa arasyndaǵy taýar aınalymyn jylyna 30 mıllıard dollarǵa jetkizýge bel sheship otyrmyz, dep málimdedi Iran prezıdenti Mahmýd Ahmadınejad túrkııalyq áriptesi Abdolla Gúlmen birlesip ótkizgen baspasóz máslıhatynda.
О́tken jyly eki el arasyndaǵy taýar aınalymy 10 mıllıard dollardy quraǵan, al aldaǵy ýaqytta Iran bul kórsetkishti 30 mıllıard dollarǵa jetkizýdi kózdep otyr. Munyń syrtynda taraptar túrli salalardaǵy, onyń ishinde, elektr qýattary men energetıka salasyndaǵy ózge de kóptegen birlesken jobalarǵa ınvestısııalar salatyn bolady dep atap kórsetken Mahmýd Ahmadınejad. Bul týraly túrkııalyq Hurriyet gazeti habarlaǵan.
OBAMANYŃ ÁSKERI KEŃESShISI IZRAILGE KELDI
Obamanyń áskerı keńesshisi admıral Maıl Mýllen óńirdegi qaýipsizdik boıynsha kelissózder júrgizý úshin Izraılge keldi.
Izraıl úkimeti Egıpettiń áskerı bıliginiń Egıpet barlyq halyqaralyq mindettemelerin saqtaıtyn bolady degen nıetin oń qabyldady. Degenmen, Izraıl basshylyǵy jańa úkimettiń HAMAS qozǵalysynyń baqylaýyndaǵy Gaza sektoryndaǵy blokadany qoldamaıtyndyǵyna onsha senimdi emes. Al Hosnı Mýbarak ol blokadaǵa qoldaý kórsetpegen bolatyn.
ARMIIа EREÝILShILERDI ALAŃNAN QÝÝDA
Egıpet armııasy ereýilshilerdi jalpyulttyq tóńkeristiń eń basty jınalatyn ornyna aınalǵan Tahrır alańynan qýýdy bastady.
Hosnı Mýbarak prezıdenttik qyzmetten ketkennen keıin Kaırdegi ereýil resmı túrde toqtatyldy. Tahrır alańynda avtomobıl qozǵalysy qalpyna keltirilip, burynǵy qalyń kópshilikten birneshe ondaǵan adam ǵana alańda qaldy. Polısııa men áskerıler osy qalǵandardan jarty saǵat ishinde alańdy tazartýdy talap etip, qarsylyq kórsetilgen jaǵdaıda olardyń tutqynǵa alynatyndaryn habarlady.
ÁSKERILER QARÝLARYN ÚILERINDE SAQTAITYN BOLDY
Shveısarııa turǵyndary áskerı qyzmetshilerdiń óz qarýlaryn úılerinde saqtaýlaryn jaqtap daýys bergen.
Bılik ókilderiniń habarlaýynsha, jalpyulttyq referendýmda óz oılaryn bildirgenderdiń 56,3 paıyzy otty qarýdy saqtaýǵa tyıym salýǵa qarsy daýys bergen. Shveısarııada 20-dan 50 jasqa deıingi erler áskerı qyzmetshiler bolyp sanalady. Olar jylyna bir ret jınalyp turýǵa mindetti. Sondyqtan olar ózderiniń vıntovka, tapansha sııaqty qarýlaryn óz úılerinde saqtaıdy.
JOLBARYSTY OJAÝMEN URYP «JYQTY»
Malaızııanyń djýnglı ishindegi bir derevnıasynyń turǵyny ań aýlap júrip, ózine jolbarystyń oqystan jasaǵan shabýylyna tap bolady.
Kúıeýiniń jan daýysy shyqqan aıǵaıyn estigen áıeli qolyndaǵy ojaýymen kómekke umtylady. 55 jastaǵy áıel aldymen jolbarysty jerge qulatyp salyp, odan soń ojaýmen aıaýsyz urǵylaı bastaıdy. Kútpegen shabýyldan shoshyp qalsa kerek, jyrtqysh jylystap toǵaı arasyna kirip joq bolypty. Beti men aıaǵy jaralanǵan er adam búginde aýrýhanada jatqan kórinedi.
Internet materıaldary negizinde ázirlendi.