«Memlekettik-jeke áriptestik týraly» 2015 jylǵy 31 qazandaǵy Zańnyń 44-babyna sáıkes, áleýetti jeke seriktes boıynsha bıometrııa, e-vıza, pasporttyq baqylaýdyń avtomattandyrylǵan júıesin (e-gate) jáne sheteldik jumysshylardy basqarý júıesin qamtıtyn kóshi-qondy baqylaýdyń biryńǵaı yqpaldasqan júıesin qurý jáne engizý týraly memlekettik-jeke áriptestik jobasy bastamasynyń kóterilgeni habarlanady.
Habarlama jarııalanǵan kúnnen bastap 30 kún boıy Qazaqstan Respýblıkasynyń Syrtqy ister mınıstrligi 2015 jylǵy 31 qazandaǵy №379-V «Memlekettik-jeke áriptestik týraly» Zań men Ulttyq ekonomıka mınıstrliginiń 2015 jylǵy 25 qarashadaǵy «Memlekettik-jeke áriptestik jobalaryn josparlaý men júzege asyrýdyń keıbir máseleleri týraly» №725 buıryǵy talaptaryna sáıkes, memlekettik-jeke áriptestik tujyrymdamasy men sharttyń jobasy túrinde balamaly usynystar qabyldaıdy.
Memlekettik-jeke áriptestik tujyrymdamasy men sharttyń jobasyna kelesi aqparat berilýi kerek:
– áleýetti jeke seriktestiń ataýy men mekenjaıy;
– memlekettik tıistiligi (zańdy tulǵalar úshin), azamattylyǵy (jeke azamattar úshin);
– zańdy tulǵalardyń basshylary men ıeleri jáne áleýetti jeke seriktesti usynatyn tulǵalar týraly málimetter;
– ıntellektýaldy shyǵarmashylyq qyzmet nátıjelerine derbes quqyǵyn rastaıtyn qujattar;
– balamaly júıeni ózge elderde ornalastyrý tájirıbesi týraly aqparat.
Tolyq aqparat Syrtqy ister mınıstrliginiń veb-saıtyna ornalastyrylǵan.
Baılanys: QR SIM Konsýldyq qyzmet departamenti, tel.: 87172 72-04-71