Halyqqa qamqorlyqtyń shynaıy kórinisi

Elbasy Nursultan Nazarbaev Almatydaǵy jańadan paıdalanýǵa berilgen qalalyq jedel járdem kórsetý aýrýhanasyn aralap kórdi Almatyǵa kelgen saıyn Prezıdent Nursultan Ábishuly Na­zar­baevtyń qaladaǵy ıgi isterdi aralap kórip, tyndyrylǵan ju­mysqa baǵa beretin jaqsy dás­túri bar. Bul joly almaty­lyq­tardyń bárine belgili jedel járdem aýrýhanasyna irgeles sa­lyn­ǵan onyń jańa ǵımaratyn aralap kórdi. Keıbir sózýarlar Prezıdent kóretin bolǵan soń, ony jaq­sylap salýǵa baryn salady deıtini bar. Tipti, solaı-aq bol­synshy. Áıteýir jaqsy bolǵany jaqsy. Bul halyqtyń ıgiligine arnalǵan tamasha qury­lys al­ma­ty­lyqtarǵa, respýblıka jurt­shy­lyǵyna qyzmet etedi. Ha­lyq­qa qamqorlyqtyń shy­naıy kóri­nisine aınalyp otyr. Bul ózi respýblıka densaýlyq saqtaý isiniń biregeı ulttyq júıe­sine kiretin asa joǵary mamandandyrylǵan kóp salaly emdeý mekemesi bolyp tabylady. Sonymen qatar, bul qalalyq jedel járdem aýrýhanasy elimizdiń basty medısınalyq oqý orny – S.Asfendııarov atyndaǵy Qazaq ulttyq medısınalyq ýnı­versıtetiniń ǵylymı-bilim baza­sy fýnksııasyn da atqarady. Osynaý medısınalyq mekeme jumysqa kirisken soń, táýlik boıy jumys isteıtin onyń ıgiligin 250 myńdaı adam kóretin bolady. Buǵan onyń kóp sa­la­ly­lyǵy da sebepshi. Jaraqat alǵan­dar­ǵa, sondaı-aq hırýrgııalyq, gı­ne­kologııalyq, neırohırýrgııalyq, toksıkologııalyq, ýrologııalyq, tera­pevtik kómek shuǵyl kór­se­ti­ledi. Aýrýhanada jatyp emdelýge arnalǵan 350 tósek-oryn bar. Al mundaǵy operasııalyq bloktyń tehnologııasy alǵash ret Alma­tyda júzege asyrylyp otyr. Jal­py, mundaǵy emdeý-dıagnos­tıkalyq qural-jabdyqtar eń soń­ǵy eýropalyq jáne álemdik standarttarǵa saı keledi. Biregeı emdeý mekemesin aralap kórgennen keıin Elbasy Nursultan Nazarbaev osyndaǵy ǵalymdar, jetekshi mamandarmen kezdesti. Olardy osynaý baryn­sha jańa tehnologııamen jab­dyq­talǵan ǵımarattyń ashylýymen quttyqtap, jumysta tabysty bo­lýlaryna tilek bildirdi. «Memleket tarapynan densaý­lyq saqtaý salasyna árdaıym kóńil bólinip keledi. Búginde dári-dármektiń 80 paıyzy syrt­tan ákelinedi. Biz aldaǵy ýaqytta sonyń bárin ózimizde daıyn­daı­tyn bolamyz. Al sizderdiń ta­raptaryńyzdan halyqty jaqsy medısınalyq qyzmetpen qamta­ma­syz etý kútiledi. Sonymen birge, medısınalyq joǵary oqý oryndary da jaqsy mamandar daıarlaýy qajet. Ashylǵan jańa ǵımarat sońǵy úlgidegi zamanaýı tehnıkalarmen jabdyqtalǵan. Osyǵan sáıkes halyqtyń den­saý­lyǵyn jaqsartýǵa úlken paıdasy tıedi degen oıdamyn», – degen Elbasy sózin jınalǵandar ózde­rine mindetteı qabyldady. Sonan soń Prezıdent eldiń densaýlyǵyn jaqsartýǵa baı­la­nysty alda turǵan mindetterge toqtaldy. Sonymen birge, Nur­sultan Ábishuly osynda kel­genderdiń pikirlerin de tyńdady. Áńgime asa bir jaıdary jaǵdaıda ótti. Mamadııar JAQYP. ------------------------------- Sýretterdi túsirgender S.BONDARENKO, B.OTARBAEV.