Búgin Qazaqstan sportshylary jarystyń bes túrinen synǵa túsedi. Birinshi bolyp jarysqa saǵat 17.30-da akademııalyq esýden Vladıslav Iаkovlev shyǵady. Ol «Lagoa» stadıonynda ótetin fınaldyq básekege qatysady. Odan keıin osy jerde eskek esýshi Svetlana Germanovıch fınalda baq synasady. Onyń qatysatyn jarysy saǵat 18.00-de bastalady.
18.00-de nysana kózdeýden de saıystar ótedi. Oǵan Iýrıı Iýrkov qatysady. Ol 50 metr qashyqtyqtaǵy nysanany jatyp atýdan el namysyn qorǵaıdy.
Saǵat 18.30-da jeńil atletıkadan jarys bastalady. Onda Evgenıı Labýtov dısk laqytrýdan kúsh synasady.
Saǵat 22.30-da 75 kıloǵa deıingi salmaqtaǵy boksshy Jánibek Álimhanuly sharshy alańǵa shyǵady. Ol 1/8 fınalda aljırlik Ilıas Abbadımen qolǵap túıistiredi.
Búgin sondaı-aq, sporttyq júristen jarystar ótedi. Saǵat 23.30-da jalaýy kóteriletin jarysqa Georgıı Sheıko qatysady. Ol erler arasyndaǵy 20 shaqyrymdyq dodada baq synasady.
Dastan KENJALIN
Foto: egemen.kz