О́mir bir ornynda turmaıtyndyǵy belgili. Ýaqyt aǵymy alǵa tartyp otyrady. О́zimiz kýáger bolyp júrgendeı sonyń ekpindi lebi ásirese, elimiz tynys-tirshiliginen erekshe seziledi. Teginde irge beriktirýge, shańyraq bıiktetýge umtylys ádette jas memleketterge tán. Bul bizge de ortaq ekendigi qýantady.
Súıikti Qazaqstanymyz óz damýynyń jańa bir bıik belesine aıaq basqaly tur qazir. Elbasymyzdyń demokratııalyq jolmen ósip-órkendeýdiń, Ata Zańymyzdy ardaqtaýdyń úlgisin kórsetip, referendým ornyna Prezıdenttik saılaý ótkizýdi sheshýi soǵan bastaıdy dep bilemiz. Halqymyz asa qadir tutatyn Nursultan Ábishulynyń qazaqstandyqtar qoldaýyna sáıkes ókilettigin uzartýǵa múmkindigi bar edi. Soǵan qaramastan saılaý arqyly synnan ótýdi qalaýy danalyq pen kóregendiktiń taǵy bir aıǵaǵy ekeni talassyz.Ol bolashaq saıasatkerlerge umytylmas ulaǵat bolar dep oılaımyz.
Táýelsizdik jyldarynda elimizdiń múldem tanyǵysyzdaı ózgerisi kóz aldymyzda ótip keledi. Osynyń bári N.Á Nazarbaevtyń eren eńbegi men salıqaly basshylyǵynyń arqasyndaǵy jeńis ekendigi anyq. Memleketimizdiń mereıin ósirip, aldaǵy asýlarǵa umtyldyra berý tek qazirgi Elbasynyń qolynan keletinine senimdimiz. Solaı bolýyn qalaımyz. Bárimizdiń júregimizdegi oı-tilek osy.
Kamalı DÚISENBEKOV, Qaraǵandy qalasynyń qurmetti azamaty,
Uly Otan soǵysynyń ardageri.