О́zderi kináli eken

Osydan bir aı buryn Er­tis­tiń sol jaǵalaýyndaǵy №1 jylý ortalyǵyna qarasty eki qazandyqtyń isten shyǵýyna baılanysty osy aýmaqtaǵy birneshe shaǵyn aýdanda apatty jaǵ­daı oryn alǵany belgili. Tipti, sol shaqta Áýezov dań­ǵy­lyndaǵy tutas bir úı aptalap jylýsyz qalǵan. Qalanyń jańa basshylyǵynyń jedel qolǵa alǵan sharalarynyń nátıje­sinde kemshilikter túzetilip, bul aýmaqtaǵy jaǵdaı birshama jón­delip qaldy. Jý­yr­da osyndaı qarbalastan soń buqaralyq aqparat qural­da­ry ókilderimen kezdesýge ýaqyt taba bilgen qala ákimi Aıbek Kárimov bul máselege baı­la­nysty qarjy bólinip jatqan­dyǵyn, sony ornymen ıgerý maqsatymen jaz shyǵa birden iske kirisip ketetindikterin resmı túrde málimdedi. Al endi sol shaqta eldi sonshama dúrliktirgen taǵy bir má­selege keletin bolsaq, onyń má­nisi tómendegideı bolyp shyqty. Iаǵnı, jyǵylǵanǵa – judyryq degendeı, álgindeı apatty jaǵ­daı týyndaǵan sátte qalanyń ekinshi bir shetindegi Zaton dep ata­la­tyn aýmaǵynda birneshe úıdi sý basyp qalǵany da ras. Sonda telearnalardyń biri jerden jeti qoıan tapqandaı ol oqıǵany da búkil el kólemine áıgilep úlgergen. Biraq teksere kelgende oǵan bılik te, basqa da emes, sol jerdegi turǵyndardyń ózi kináli bolyp shyqty. Iаǵnı, álgi úıler bastaý kózderiniń ústine zańsyz salynǵan. Tártip saqta­maǵan turǵyndar munymen de shektelmeı, bastaý kózderin qoqyspen bitep tastaǵan. Al bas­taý kózderi jol taýyp ashy­lyp ketkende bul aýmaqta da qarbalas shaq týyndaǵan. Osy oraıda osyndaı  jaǵdaı ótken jyly da oryn alǵandyǵyn aıta ketken jón bolar. Abyroı bolǵanda, jergilikti bılik ózderi kináli demeı, sý basyp qalǵan úılerdiń turǵyn­daryna da kómek kórsetýde. Sol maqsatpen arnaıy brıgada qu­rylyp iske kirisip te ketti. Sonymen birge, Zaton polısııa bólimine úı salýda zańdylyqty saqtamaǵan, tártip buzyp, bastaý kózderin qoqyspen bekitip tastaǵan turǵandardy anyqtaý týraly tapsyrma berildi. О́zgege talap qoıýmen birge, óziń de tártipti buzbaǵanǵa ne jetsin! Dáýlet SEISENULY. Semeı.