Mektep Mirjaqyp atyn aldy

Jýyrda oblys ákiminiń oryn­basary Álııa Ǵalymova bas­qara­tyn oblystyq ono­mas­tı­kalyq komıssııanyń otyrysy ótti. Col otyrysta aýdan ortalyǵyndaǵy Jelezınka qazaq orta mektebine ultymyzdyń birtýar azamaty, halqyna «Oıan, qazaq!», dep oı salǵan, bıyl týǵanyna 125 jyl tolatyn Mirjaqyp Dýlatuly­nyń esimin berý jónindegi usy­nys biraýyzdan qoldaý tapty. Sondyqtan, mektep ujymy, oqý­shylar endi bul usynystyń joǵa­rydan bekitilýin asyǵa kútýde. Negizinen, bul bastamany qazaq mektebindegi balalardyń sanyn kóbeıtip, osy jerge О́z­bekstan jaǵynan kóship kelgen oralman aǵaıyndar, muǵalimder, ata-analar kótergen edi. Bul iske ultjandy azamat Janat Shuǵaev basqaratyn aýdan ákimdigi de az úles qosqan joq. Jalpy, bul aýdan ortalyǵynda ómiri qazaq mektebi degen bolmaǵan. Qazaq mek­tebiniń salynýy, birinshiden, el egemen­di­giniń, Elbasynyń arqa­sy bolsa, ekinshiden, bul saýap­ty iske sol kezdegi oblys áki­miniń qamqorlyǵy men qoldaýy tıgeni de shyndyq. Qazir aýdan ortalyǵyndaǵy jarqy­ra­ǵan jańa mektepte jyl saıyn qazaq tilinde bilim alatyn oqý­shylar qatary kóbeıip keledi. Ýs­penkada da jańa mektep salyndy, О́zbekstannan kelgen oralman aǵaıyndardyń balalary mek­tep synyptaryn toltyrýda. Mektepke elimizdiń ánurany avtorlarynyń biri Jumeken Nájimedenovtiń esimin berý týraly usynystar bar. Búginde onyń qujat-qaǵazdary daıyn kórinedi. Oblys ákiminiń oryn­basary Álııa Qaıratqyzy mun­daı mán-mańyzy zor, maqsat­ty sharalardyń aıaqsyz qal­maýy­na úles qosady dep senemiz. О́ıt­keni, alda Jelezınka, Ýspenka atalyp turǵan aýdan jáne aýdan ortalyqtarynyń da baıyrǵy ataý­laryn ejelgi atyna qaıtarý mindeti tur. Al qazaq mektepterine ulty­myzdyń birtýar ul­dary­nyń esimderin berý arqyly jas urpaqty elin, jerin, ultyn súıýge, ana tilin qurmetteýge saı tárbıeleı alamyz, ári eli úshin ter tókken ǵazız jandardyń ólmes rýhy olardy árqashan qoldap, jebep júretini kúmánsiz. Farıda BYQAI. Pavlodar.