25 myńynshy kólik shyǵaryldy

2011 jyldyń 15 aqpanynda qazaqstandyq «AZIIа AVTO» avtoqurastyrý zaýytynyń ókilderi  kásiporynnyń 2010 jylǵy jumys qorytyndysyn ortaǵa saldy jáne aǵymdaǵy jyldyń keleshektegi jobalaryn iske asyrý josparyn ashty. 25 myńynshy kóliktiń shyǵý saltanatyna oblys ákiminiń birinshi orynbasary Serik Ábdenov, «Bıpek-Avto», «Azııa-Avto» kompa­nııasy dırektorlar keńesiniń tóraǵasy A. Balýshkın, «Azııa-Avto» AQ prezıdenti Erjan Mandıev, zaýyt eńbekkerleri qatysty. Kezdesýge sebep bolǵan jáıt – zaýyt konveıerinen shyqqan 25 myńynshy avtomobıl. Ol Qazaqstannyń ǵana jańa úlgisi emes, dúnıjúzilik avtoónerkásiptiń eń jańa úlgisi bolyp tabylatyn – sedan Chevrolet Cruze. 2010 jyl «AZIIа AVTO» AQ úshin óndiristi jáne marketıngti damytýda alǵa shyǵý jyly bol­dy. KIA Motors arqyly zaýyt tórtinshi strategııalyq seriktesin tapty, al Qazaqstannyń satyp alýshylary eń iri dúnıejúzilik avtokonsernniń tehnologııalyq ja­ńa­lyqtaryna qol jetkize al­dy. О́skemen qalasynda KIA-nyń úsh jańa úlgisin shyǵarý  ynty­maq­tas­tyqtyń alǵashqy nátıjesi boldy. Olar: sedan Cerato, tóte­le­gish Mohave jáne krossover Sorento. Sol kezeńde kásiporyn konveıerinde «AZIIа AVTO»-nyń bas­qa seriktesi – General Motors kom­panııasy úlgileriniń tuńǵysh kórse­tilimderi boldy. Olar: sedan Chevrolet Cruze jáne Chevrolet Aveo úlgilik modelderi. Jyl aıaǵynda Skoda avtomobılderi jelisinde Yeti krossoveri jáne Fabia kompakt-karo paıda boldy. Úlgilik qatardy ekpindi keńeı­­tý, zaýyttyń rynoktaǵy pozısııa­syn nyǵaıtýǵa serpin berip, ón­diris kóleminiń eleýli ósýine ákeldi. 2010 jyldyń qorytyn­dysy boıynsha ol tórt márte ulǵaıdy jáne 3 099 avtomobılder kórsetkishine jetti, al «AZIIа AVTO»-nyń naryqtyq úlesi (jańa jeńil avtomobılderi segmentinde) ótken jyldyń tórtinshi toqsanynda 20% tabal­dyryǵynan asty. Kompanııanyń ta­by­sy qar­jylyq kórsetkishtiń dınamıka­lyq ósýin qamtamasyz etti. Zaýyt­tyń óz ónimin satýdaǵy aqshalaı túsimi ótken jyly eki ese ósip, 7 336,7 mln. teńge mejesine jetti, al 2009 jyly tirkelgen zalal orny, 2010 jyldyń qory­tyn­dysy boıynsha  361,4 mln. teńge mólsherindegi taza paıdamen toltyryldy. Bul paıdaly bastamany biz údemeli ındýstrııalyq-ınnova­sııa­lyq damý baǵdarlamasy sheń­be­rinde zamanaýı basqarý tehno­lo­­gııalaryn engizý jónindegi baǵ­dar­lamaǵa qatysýshylar retinde iske asyramyz, deıdi «AZIIа AVTO» AQ basshysy. – Memlekettik demeýmen biz taǵy da bir jobany iske asyrýǵa kirispekpiz, ol – jumys istep turǵan ón­diristiń logıstıkalyq ınfraqu­ry­lymyn keńeıtý, ıaǵnı qosymsha temir joldar men konteıner alańdary qurylysy. Bul jos­parlardy iske asyrsaq, biz qu­rastyrý kesheniniń jalpy shy­ǵa­rylym óndirimdi­ligin qazirgi jyl­da jumysshyǵa 188 myńnan 2013 jylǵa 307 myń dollarǵa deıin ósi­re alamyz jáne bizdiń logıstı­kalyq júıe­miz­diń qyzmet kórsetý múmkindigi jy­lyna 60 myń avtomobıl shyǵarýǵa jetedi Qarjylandyrý «Bıznestiń jol kartasy-2020» sheńberinde qam­syzdandyrylatyn bolady. Man­dıev myrza aıtqandaı, jańa logıstıka­lyq «qaqpalardy» jasaý kásiporyn­ǵa óndiris kólemin ósirý múmkindigin beredi, sóıtip aǵymdaǵy jylda qosymsha 200 jumys ornyn ashýǵa talap etetin bolady. Jobany iske asyrý qo­rytyndysy boıynsha ká­sip­oryn shtaty 900-1000 qyz­met­kerlerge deıin ulǵaıady. Jyl erekshe ónimdi bolady. Naýryzda biz KIA brendi býyny­nyń eń jańa tórt úlgisin óndi­riske shyǵaramyz, dedi «AZIIа AVTO» AQ perezıdenti. Bul kompakt-krossover KIA Soul, parketti tótelegish KIA Sportage, bıznes-sedan KIA Optima jáne salı­qaly sedan KIA Cadenza. Olar­dyń ótimdi bolaryna kúmá­nimiz joq. 2010 jyldyń mamyr aıyn­daǵy shyǵarylymǵa ózgeris engizgen osy markadaǵy úsh úlgi taǵ­dy­ryna kóz salsaq, KIA sol jyl­dyń kúzinde Qazaqstanda usy­nyl­­ǵan shetel brendteri ara­syn­da saty­lym kólemi boıynsha úshinshi orynǵa shyqqanyn kóremiz. О́tken jyly Chevrolet Qa­zaqstandaǵy satylym kólemi boıynsha tórtinshi shetel brendi boldy, al Reseıde shetel mar­kalary arasynda eń kóp satyl­ǵan bolyp tanyldy.  Búginde biz Reseı rynogyna jańa úlgilerdi jetkizý jóninde kelissózder júrgizip jatyrmyz. Erjan Mandıevtiń pikiri boıynsha, bul másele qazaq­standyq satyp alýshylar úshin 1 shildeden keıin, ıaǵnı jeke tulǵalar úshin avtomobılderdi ákelýdegi jeńildik toqtatyl­ǵan­da jańasha sıpatqa ıe bolady. Indýstrııalyq-ınnova­sııa­lyq damý baǵdarlamasy boıyn­sha qazaqstandyq óndiris avtomobılderin satyp alýshylarǵa arnalǵan nesıe jónindegi pa­ıyz­­dyq salymdardy qarajat­tan­­dy­rý qarastyrylǵan. Búgin Úki­met osy formattaǵy avto­nesıeler­diń qoljetimdi mehanızmderin talqylaýda. О́ıtkeni,  Keden oda­ǵynyń taýar engizý bajdary «sekond-hendti» satyp alýdy tartymsyz qylady. Bi­raq, jańa avtomobıldi satyp alý kóbine­se qoljetimdi nesıelik qara­jatty talap etedi. Memleket onyń jetimsizdigin tol­tyra ala­dy jáne sonymen qatar sala­nyń damýyna qajetti ımpýls bere alady. «AZIIа AVTO» basshysy ká­siporynnyń tolyq kezeńdik zaýyt­tyń ınfraqurylymyn jobalaý jónindegi jumysyn, Shy­ǵys Qa­zaq­stan oblysy ákiminiń qoldaýy­men berilgen alańda elektr jáne jylýmen qamtama­syz etý kózderin jetildirý ju­mys­taryn jalǵasty­ryp jat­qanyn aıtty.  Tolyq kezeńdik zaýytty jasaý jobasy respýb­lıkalyq ındýstrııalan­dyrý kar­­tasyna engizilgen. Jasalyp jat­qan kásiporynnyń jobalyq qýat­tylyǵy bir jylda 120 myń avtomobıldi quraıdy, aldyn-ala jasalǵan boljam boıynsha ol elimizdiń ishki jalpy ónimin  1,8 mlrd. AQSh dollaryna tolyq­tyryp, 12 myń qazaqstan­dyqty eńbekke orna­las­tyrýǵa múmkindik beredi. Ońdasyn ELÝBAI. Sýret avtordiki.