Quramaǵa laıyqty qurmet

Astanada Úkimet úıinde birinshi vıse-premer О́mirzaq Shókeev Qys­qy Azııa oıyndarynyń júldegerlerimen kezdesti. Kezdesýge Alekseı Poltoranın, Nıkolaı Chebotko, Sergeı Cherepanov, Evgenıı Velıchko, Svetlana Malahova, Oksana Iаskaıa, Elena Kolomına, Anastasııa Slonova, bapkerlerden Sergeı Tıshkov, Sergeı Sny­tın, Aleksandr Batıaıkın qatysty. Osy jerde О́.Shókeev Shańǵy federasııasynyń prezıdenti retinde ulttyq quramanyń Azıadada kórsetken nátı­jesine joǵary baǵa beretinin, 12 medal jıyntyǵy sarap­qa salynǵan jarysta otandastarymyzdyń 6 altyn, 5 kú­mis, 4 qola medal jeńip alýy Qazaqstan sporty úshin úlken oqıǵa bolǵanyn aıtyp, júldegerlerdiń árqaı­sy­syna 10 myń AQSh dollar kóleminde aqshalaı syılyq tabys etti. Osydan keıin bapkerler jáne sportshylar atynan sóz sóılegen Aleksandr Batıaıkın federasııa basshylyǵyna alǵysyn bildirdi. Munda ol federasııanyń qoldaýy arqa­synda shańǵyshylardyń úlken jetistikterge jetip júr­genin aıtyp, endi ulttyq quramanyń 21 aqpanda Norve­gııa­nyń Oslo qalasynda ótetin álem chempıo­natyna qatysatynyn til­ge tıek etti. Onyń aıtýynsha, bul synda  alty-alty sport­shydan quralǵan erler men áıel­der komandasy óner kórsetedi. Olardyń arasynda 15 sha­qyrymdyq klassıkalyq júriste A.Poltoranın men N.Chebotkoǵa kóp úmit artylyp otyr. Dastan KENJALIN.