Azıada úshin alǵys

Qazaq elinde Qysqy Azıadanyń zor tabys­pen ótkendigi bul kúnderi búkil álem­ge maǵlum boldy. Jaqynda Azııa olımpııalyq keńesiniń prezıdenti Sheıh Ahmad ál-Fahad ál-Sabah Almaty qalasynyń ákimi Ahmetjan Esimovke alǵys hatyn joldap, Azıadanyń tabys­ty uıymdastyrylyp ótkizilýimen quttyqtady. Bul hatta Qazaqstannyń sporttyq quramasy úshin tarıhı tabys ákelgen Almatydaǵy ja­rys­tardy uıymdastyrýda qoldaý kórsetip, yntymaqtastyq jasaǵany úshin qala ákiminiń jeke ózine de razylyq sezimi bildirildi. Sondaı-aq, Qazaqstandaǵy «Azıada-2011» Azııa oıyndarynyń barlyq basqa uıymdas­tyrý­shy­lary úshin boı túzeıtin úlgi bola­tyndyǵy atap kórsetildi. Almatyda atalmysh Oıyndar úshin ja­saqtalǵan sporttyq nysandar men ınfra­qurylym joǵary halyqaralyq standarttarǵa saı bolyp shyqty. Munyń ózi jarystardyń oıdaǵydaı ótýine ıgi yqpal jasady. Sheıh ál-Sabah osynaý ǵajaıyp qurylys-ǵımarat­tardyń bári taıaý bolashaqta kóptegen halyq­aralyq alaman dodalar men jarystardyń kýási bolatynyna senimdi ekendigin atap aıtty. Qorǵanbek AMANJOL.