Qazaq boksyna betburys kerek

Qazaq boksy úshin úlken oqıǵanyń basy kórindi. Jaqynda Almatyda III jazǵy spartakıada aıasynda bokstan áýesqoılar arasynda ótip jatqan Qazaq­stan chempıonaty bastalar aldynda Halyqaralyq áýesqoı boks qaýymdastyǵynyń (AIBA) prezıdenti Chıng Kýo Vý eki kúndik jumys sapary barysynda respýblıka Boks federasııasymen eki mańyzdy qujatqa qol qoıdy. Birinshi qujat óz elimizde tuń­ǵysh ret jasóspirimder arasyn­daǵy álem chempıonatyn ótkizý jóninde sońǵy kelisim-sharttarǵa qol qoıýǵa, al ekinshisi Almaty mańynda AIBA Boks akademııasyn salý máselesine arnaldy. Eń áýeli AIBA-nyń bul kelisimderge qol qoıýy elimizdiń Halyqaralyq áýesqoı boks qaýymdastyǵymen sońǵy kezderi birigip, tynbaı istegen jumysynyń jemisi deýimiz kerek. Ekinshiden, ol – qazaq boksy­­nyń damýyna jasalǵan taǵy bir úlken qadam. Endi qazaq boksyna osyndaı mańyzdy eki qujattan keıin tynysyn keń tartyp, tek alǵa júrý úshin jumys isteýine bolady. Alǵashqy qujatqa qol qoıý birden júzege asqan joq. Buǵan Qa­zaq­stan jaǵy Qytaıda AIBA-nyń kongresi ótip jatqan kezde qol jetkizdi. Al basynda jasós­pirim­der arasyndaǵy álem chempıona­tyn ótkizýdi Fransııa óz moınyna almaqshy bolǵan eken. Biraq olar bir aı qalǵanda bul sheshimderinen bas tartypty. Sodan keıin AIBA amalsyzdan álem chempıo­natyn ót­kizýdi Ázirbaıjanǵa ót­kiz­gen bola­tyn. Munda da dál son­daı jaǵ­daı qaıtalanǵan soń AIBA qarasha aıynda Qytaıda ótken óziniń kezekti kongresinde Qazaqstandy álem chempıonatyn ótkizýge laıyq­ty el dep tapty. Sodan beri Qa­zaqstan Astanada jasóspirimder arasynda álemdik básekeni ótkizý úshin qoldaǵy bar jaǵdaıdyń bárin jasap keledi. Ekinshiden, Al­maty mańynda AIBA Boks akade­mııasyn salý jó­nin­degi kelisim de eki jaqqa óte mańyzdy qujat bo­lyp tabylady. Bul akademııa­nyń qurylys joba­sy byltyr qarasha aıynda Al­matyda ótken AIBA-nyń kongresinde bekitildi. Munda jattyǵý zaldary, mamandar men sportshy­lardyń óz biliktiligin art­­tyrý úshin dáris oqytylatyn ból­meler, tóre­shi­ler­diń sanat­ta­ryn kóterýge ar­nal­ǵan dáris zal­dary, qonaq úı, basseın men basqa da ınfra­qury­lymdar qarasty­ryl­ǵan. Onyń qu­rylysy 3-4 jyl­dyń ishinde aıaq­ta­lady. Sodan keıin AIBA-ǵa múshe elderdiń ma­man­dary, bapkerleri men tóre­shi­leri osy jerde dáris alatyn bo­la­dy. Eń bastysy – akademııa jumy­syn bastaǵan kezde bizdiń tóre­shi­ler men bapkerler de biliktiligin arttyrý úshin aqshasyn shyǵaryp, shetelge barmaı, óz elimizde ar­naıy emtıhan tapsyra alady. Dastan KENJALIN.