Ekibastuz qalasyndaǵy №36 mektep-lıseı Kostıtýsııa kúni jáne jańa oqý jylynyń bastalýy qarsańynda ashyldy. Mektep qurylysy osydan eki jyl buryn bastalǵan. Jobanyń quny 1,3 mlrd teńgeni quraıdy. О́zderi qurylysyn júrgizgen merdiger «Portal-PV» JShS oqýshylarǵa 44 kompıýter syıǵa tartypty. Qazaq tilinde bilim beretin bul mektep-lıseı «Nazarbaev ıntellektýaldyq mektebiniń» bilim júıesine negizdelipti.
– Mektepte 45 kabınet bar, fızıka, bıologııa, hımııa kabınetteri arnaıy qurylǵylarmen jabdyqtalǵan. Eki ınformatıka kabınetine 30 kompıýter ornatylǵan. Mektepte oqý zaly, kitaphana jáne 374 oryndyq zal, medısınalyq kabınet, psıholog kabıneti bar. Fýtbol alańy, sporttyq oıyndarǵa, jeńil atletıka jáne gımnastıkaǵa arnalǵan alańdar, voleıbol jáne basketbol alańdary jasaqtalǵan. Sport alańdary gımnastıkalyq qabyrǵalarmen jabdyqtalǵan, dop laqtyrýǵa arnalǵan dıskiler men torlar, qumsalǵysh, átkenshekter quryldy, – deıdi mektep-lıseı dırektory Gúlnar Sybanqulova.
Mektep ashanasy 350 oqýshyǵa arnalǵan, sonymen birge, mektep janynan jylyjaı salynǵan. Balalar jyl boıy ol jerde kókónister ósirip, təjirıbelik sabaqtaryn jasaıdy. Mektep aýmaǵy abattandyrylyp, joldar betonmen asfalttanǵan, aýlada qaraǵaı, qaıyń, súmbil terek, sheten, dalalyq altyn tústes qaraqat egilgen, kópjyldyq gúlzarlar jasalǵan.
Kenshiler qalasy jurtshylyǵyn jańa mekteptiń ashylýymen quttyqtaǵan oblys ákimi Bolat Baqaýov kórimdikke GAZel avtokóliginiń kiltin tabystady.
Farıda BYQAI,
«Egemen Qazaqstan»
EKIBASTUZ