2016 jylǵy 24 tamyz, Astana, Úkimet Úıi
Ýákiletti organdardyń normatıvtik quqyqtyq aktilerdi esepke alý men júıeleýdi júrgizý qaǵıdalaryn bekitý týraly
«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańy 52-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Ýákiletti organdardyń normatıvtik quqyqtyq aktilerdi esepke alý men júıeleýdi júrgizý qaǵıdalary bekitilsin.
2. «Memlekettik organdardyń normatıvtik quqyqtyq aktilerdi esepke alýy jáne júıelendirýi qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 25 qazandaǵy №1146 qaýlysynyń (Qazaqstan Respýblıkasynyń PÚAJ-y, 2013 j., №62, 852-qujat) kúshi joıyldy dep tanylsyn.
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV
Qazaqstan Respýblıkasy Úkimetiniń
2016 jylǵy 24 tamyzdaǵy №477 qaýlysymen bekitilgen
Ýákiletti organdardyń normatıvtik quqyqtyq aktilerdi esepke alý men
júıeleýdi júrgizý qaǵıdalary
1. Osy Ýákiletti organdardyń normatıvtik quqyqtyq aktilerdi esepke alý men júıeleýdi júrgizý qaǵıdalary (budan ári - Qaǵıdalar) «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańy 52-babynyń 2-tarmaǵyna sáıkes ázirlendi.
2. Qaǵıdalar ýákiletti organdar ózderi qabyldaǵan normatıvtik quqyqtyq aktiler boıynsha normatıvtik quqyqtyq aktilerdi esepke alý men júıeleýdi júrgizý tártibin aıqyndaıdy.
3. Normatıvtik quqyqtyq aktilerdi esepke alý men júıeleý zańnamanyń qoljetimdiligin, ony paıdalaný yńǵaılylyǵyn qamtamasyz etý maqsatynda júrgiziledi.
4. Ýákiletti organdarda normatıvtik quqyqtyq aktilerdi esepke alý men júıeleý jónindegi fýnksııalardy jaýapty hatshynyń nemese apparat basshysynyń, al jaýapty hatshy jáne apparat basshysy laýazymdary engizilmegen memlekettik organdarda – memlekettik organ basshysynyń sheshimimen aıqyndalǵan ýákiletti organnyń tıisti bólimshesi nemese qyzmetkeri (qyzmetkerleri) júzege asyrady.
Memlekettik qupııalardy qamtıtyn normatıvtik quqyqtyq aktilerdi esepke alý men júıeleýdi tıisti ýákiletti organnyń memlekettik qupııalardy qorǵaý jónindegi qurylymdyq bólimshesiniń qyzmetkeri júzege asyrady.
5. Normatıvtik quqyqtyq aktilerdi esepke alý men júıeleýdi ýákiletti organdar qazaq jáne orys tilderinde turaqty negizde júrgizedi.
Esepke alý qaǵaz túrinde júrgiziledi jáne qoldanystaǵy normatıvtik quqyqtyq aktilerdi jınaqtaý men saqtaýdy, ýákiletti organnyń qyzmet baǵyttaryna sáıkes hronologııalyq tártippen ornalastyrýdy boljaıdy.
Júıeleý qaǵaz túrinde júrgiziletin «Qyzmet babynda paıdalaný úshin» degen belgileri bar normatıvtik quqyqtyq aktilerdi qospaǵanda, júıeleý normatıvtik quqyqtyq aktilerdiń mátinine ózgerister jáne (nemese) tolyqtyrýlar, kúshin joıý, qoldanylýyn toqtatý, toqtata turý týraly málimetterdi engizý jolymen olardy baqylaý jaǵdaıynda ustaý arqyly elektrondyq túrde júzege asyrylady.
6. Ýákiletti organ Qazaqstan Respýblıkasynyń Úkimeti bekitetin Normatıvtik quqyqtyq aktilerdi resimdeý, kelisý, memlekettik tirkeý jáne olardyń kúshin joıý qaǵıdalaryna sáıkes Qazaqstan Respýblıkasynyń Ádilet mınıstrligi jáne onyń aýmaqtyq organdary jiberetin memlekettik tirkeý týraly qorytyndymen qosa qazaq jáne orys tilderindegi normatıvtik quqyqtyq aktiniń tólnusqasyn alady.
Ýákiletti organnyń jaýapty adamy normatıvtik quqyqtyq aktini alǵannan keıin osy Qaǵıdalarǵa qosymshaǵa sáıkes normatıvtik quqyqtyq aktilerdi esepke alý jýrnalyna tıisti jazýlar engizedi.
Ýákiletti organdardyń normatıvtik quqyqtyq aktilerdi esepke alý men
júıeleýdi júrgizý qaǵıdalaryna qosymsha
Normatıvtik quqyqtyq aktilerdi esepke alý jýrnaly
R/s
№ Normatıvtik quqyqtyq aktiniń kelip túsken kúni, kiris tirkeý nómiri Normatıvtik
quqyqtyq aktiniń nysany men ataýy Qabyldaǵan
kúni Tirkeý
nómiri Qazaqstan
Respýblıkasy
Ádilet
mınıstrliginde memlekettik tirkeý kúni jáne nómiri Normatıvtik quqyqtyq aktini ázirleý úshin jaýapty qurylymdyq bólimshe Eskertpe
1 2 3 4 5 6 7 8