2016 jylǵy 31 naýryz, Astana qalasy
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynyń aqparattyq júıeleri men ınternet-resýrstaryna qoıylatyn talaptardy bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 15) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynyń (budan ári – Akademııa) aqparattyq júıeleri men ınternet-resýrstaryna qoıylatyn talaptary bekitilsin.
2. Akademııanyń Rektory U.S.Baıjanov:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy;
5) osy buıryqtyń kúshine engen kúnnen bastap, bes jumys kúni ishinde Akademııanyń jáne onyń tulǵalarynyń qurylymdyq bólimsheleriniń anyqtamasyn, jumystardy uıymdastyrý boıynsha jaýaptylardy (ákimshiligin), aqparattyq toltyrýlardy, aqparattyq júıeleri men ınternet-resýrstardyń kontentiniń ózektiligi men anyqtyǵyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D. Merkelge júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bas prokýrory A.DAÝYLBAEV
Qazaqstan Respýblıkasy Bas Prokýrorynyń 2016 jylǵy 31 naýryzdaǵy №56 buıryǵymen bekitilgen
Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń aqparattyq júıeleri men ınternet-resýrstaryna qoıylatyn talaptar
1. Jalpy erejeler
1. Osy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynnyń aqparattyq júıeleri men ınternet-resýrstaryna qoıylatyn talaptar (budan ári – Talaptar) «Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1 babynyń 15) tarmaqshasyna sáıkes ázirlengen.
2. Talaptar Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń (budan ári – Akademııa) aqparattyq júıeleri men ınternet-resýrstarynyń mazmunyn, qyzmet etýin anyqtaıdy.
3. Aqparattyq júıeleri men ınternet-resýrstary Akademııanyń bilim berý qyzmetin uıymdastyrý men baqylaýdyń tıimdiligi maqsatynda, sonymen qatar oqý, ǵylymı, tárbıelik prosesinde jáne ınnovasııalyq qyzmette Akademııanyń jetistikterin tanymal etý jáne tájirıbesin taratý maqsatynda paıdalanady.
4. Osy Talaptarda mynadaı negizgi uǵymdar paıdalanylady:
1) aqparattyq júıe – aqparattyq ózara is-qımyl arqyly belgili bir tehnologııalyq áreketterdi iske asyratyn jáne naqty fýnksıonaldyq mindetterdi sheshýge arnalǵan aqparattyq-kommýnıkasııalyq tehnologııalardyń, qyzmet kórsetýshi personaldyń jáne tehnıkalyq qujattamanyń uıymdastyrylyp retke keltirilgen jıyntyǵy;
2) aqparattyq júıeleri men ınternet-resýrstaryn basqarý - aqparattyq júıe men ınternet-resýrstyń qaýipsizdigi jáne jumys qabiletin qamtamasyz etý;
3) bilim berý portaly-paıdalanýshylarǵa ishki bilim berý resýrstaryna biryńǵaı avtorlandyrylǵan derbestendirilgen qoljetimdikti qamtamasyz etetin aqparattyq júıe;
4) dınamıkalyq aqparat – bul aqparat ýaqytsha sıpattamadaǵy Akademııanyń aǵymdaǵy qyzmetin kórsetedi (perspektıvti damýy, ózekti oqıǵalar, basym baǵyttar);
5) ınternet-resýrs – apparattyq-baǵdarlamalyq keshende kórsetiletin mátin, grafıkalyq, aýdıovızýaldy nemese ózge túrde beıneleıtin elektrondy aqparattyq resýrs, birińǵaı jelilik mekenjaıy bar jáne (nemese) Internette isteıtin elektrondy aqparattyq resýrs;
6) kontent – elektrondyq aqparattyq resýrstyń mátindik, mátindik emes nemese medıa mazmuny;
7) qoldanýshylardy anyqtaý – bul elektrondyq aqparattyq resýrstar men arnaıy baǵdarlama kómegimen paıdalanýshynyń jeke basyn rastaýyn júzege asyrylatyn rásim;
8) statıkalyq aqparat – bul aqparat turaqty sıpattamasy bar (anyqtamalyq) Akademııanyń ishki qyzmetin kórsetedi (normatıvti quqyqtyq aktiler, Akademııanyń qurylymy, erejesi);
9) elektrondyq qujat – elektrondy-sıfrlyq nysanda berilgen jáne elektrondyq sıfrlyq qoltańbamen kýálandyrylǵan aqparat;
10) elektrondy-kitaphanalyq júıe – bilim berý prosesinde paıdalanylatyn, taqyryptyq jáne maqsatty belgileri boıynsha birlesken, qosymsha servıstermen jabdyqtalǵan, qujattardy izdeý jáne olarmen jumys isteýdi jeńildetetin jáne ózge de normatıvtik quqyqtyq aktilerdiń barlyq talaptaryna sáıkes keletin elektrondy qujattar jıyntyǵy;
11) elektrondyq jýrnal – Akademııada bilim alýshylardyń úlgerimin baqylaýdy qamtamasyz etetin aqparattyq júıe.
5. Osy Talaptar árekti Qazaqstan Respýblıkasynyń memlekettik qupııalar málimetterin qamtıtyn elektrondyq qujattarǵa qoldanylmaıdy.
6. Akademııanyń aqparattyq júıeleri men ınternet-resýrstarynyń (basqarý) jumystaryn kúni-túni uıymdastyrýdy, tehnıkalyq qoldaýdy Akademııanyń tıisti qurylymdyq bólimsheleri qamtamasyz etedi.
7. Akademııanyń aqparattyq júıeleri men ınternet-resýrstaryna aqparattyq toltyrýlardy jáne olardy jandandyrý Akademııanyń tıisti qurylymdyq bólimsheleri júzege asyrady.
8. Akademııanyń aqparattyq júıeleri men ınternet-resýrstaryn jandandyrýdyń monıtorıngin, toltyrýdy, kontent sapasy men anyqtylyǵyn Akademııanyń ýákiletti tulǵasy júzege asyrady.
2. Aqparattyq júıelerge qoıylatyn talaptar
9. Akademııa óz fýnksııalaryn avtamattandyrý maqsatynda Akademııanyń oqý, ǵylymı jáne ınnovasııalyq qyzmetiniń tájirıbesin jáne jetistikterin kópshilikke taratý, olarǵa júktelgen fýnksıalardy iske asyrýǵa baǵyttalǵan aqparattyq júıelerdi quraıdy jáne qoldanady.
10. Akademııanyń aqparattyq júıeleri «Aqparattandyrý týraly 2015 jylǵy 24 qańtardaǵy» Qazaqstan Respýblıkasynyń Zańy 38 babynyń 2) tarmaǵyna sáıkes Qazaqstan Respýblıkasy aýmaǵyndaǵy qoldanystaǵy standarttar, aqparattyq júıeniń sıkldyq ómirine sáıkes qurylady, damıdy jáne:
1) aqparattyq-kommýnıkasııalyq tehnologııalar salasynda biryńǵaı talaptardy jáne aqparattyq qaýipsizdikti qamtamasyz etý;
2) Memlekettik tehnıkalyq qyzmettiń aqparattyq qaýipsizdigin qamtamasyz etýdiń monıtorıng júıesimen Akademııanyń aqparattyq júıesiniń aqparattyq qaýipsizdigi is-sharasy monıtorıngi júıesiniń aqparattyq ózara árekettestigi.
11. Akademııanyń aqparattyq júıesine mynalar kiredi:
1) bilim berý portaly;
2) elektrondy-kitaphanalyq júıe.
12. Bilim berý portalyna kiredi:
1) akademııalyq kúntizbe;
2) sabaq kestesi;
3) elektrondyq jýrnal.
13. Bilim berý portaly bilim berý baǵdarlamalaryn, oqý jumys josparlaryn, oqý-ádistemelik keshenderin, ǵylymı-ádistemelik qujattaryn, akademııalyq reıtıngin, bilim alýshylardyń jáne bilim berý monıtorıngin qamtıdy.
14. Akademııanyń bilim berý portalyna tek avtorlandyrylǵan qoldanýshylardyń: bilim alýshylardyń, professorlyq-oqytýshylyq quramnyń jáne ákimshilik-basqarý personaldyń bilim berý portalyna qoljetimdiligi sheginde qoljetimdi.
15. Avtorlandyrylǵan qoldanýshylardyń deńgeıin Akademııa derbes anyqtaıdy.
16. Bilim berý portalynda qoldanýshylardyń avtorlandyrýdy jáne aýtentıfıkasııalaýdy bilim berý portalyna aqparattyq júıelerge ákimshilik etýdi júzege asyratyn Akademııanyń tıisti bólimshesimen verıfıkasııa jolymen júzege asyrylady.
17. Elektrondyq jýrnal bilim alýshylardyń úlgerimin aǵymdaǵy baqylaý (ortasha baǵalaý aǵymdyǵyn, aralyq baqylaý men reıtıng-ruqsat etý baǵasy), aralyq jáne qorytyndy attestattaý baǵalary týraly aqparatty jáne olardyń elektrondyq vedomosin qamtıdy.
18. Elektrondyq jýrnal jýrnaldyń tıisti bólimderine qoljetimdigi bar professorlyq-oqytýshylyq quramymen nemese ýákiletti tulǵanyń kelisimimen toltyrylady.
19. Elektrondyq jýrnaldyń jumysyn baqylaýdy elektrondyq jýrnaldy úlgileýdi júzege asyratyn bilim sapasyn monıtorıngileý jáne baqylaý (baǵalaý) bólinisi júzege asyrady.
20. Akademııanyń elektrondy-kitaphanalyq júıesi kitaphanalyq prosesterdiń keshendi avtomattandyrýdy jáne elektrondyq katalogtaryn, sondaı-aq tolyq mátindi derekter bazasyn qurýyn qamtamasyz etedi.
21. Akademııanyń elektrondy-kitaphanalyq júıesi mynadaı negizgi modýlderdi qamtıdy:
1) ákimshilik etý;
2) jınaqtaý;
3) katalogtaý;
4) oqyrman izdeýi;
5) maqalalar kartotekasy;
6) paıdalanýshylar kartotekasy;
7) kitap berý.
3. Internet-resýrstarǵa qoıylatyn talaptar
22. Akademııanyń ınternet-resýrstary:
1) Akademııanyń jáne onyń qurylymdyq bólimsheleri týraly jalpy aqparatyn;
2) ǵylymı jáne halyqaralyq qyzmet týraly bólimin;
3) statıstıkalyq jáne analıtıkalyq derekterin;
4) Akademııa rektoriniń blogyn;
5) memlekettik satyp alý týraly aqparatty;
6) bilim alýshylar men qyzmetkerlerdiń jeke kabınetin;
7) kadrlarmen qamtamasyz etý máselesin;
8) baspasóz-ortalyǵy jumysyn;
9) oqytý týraly aqparatty;
10) «Quqyq qorǵaý organdary Akademııasynyń Jarshysy» jýrnalynyń elektrondyq nusqasyn;
11) jańalyqtar lentasyn;
12) ǵylymı konferensııalar, semınarlar men trenıngter, oqý-ádistemelik jıyndar, resmı saparlar men kezdesýler kestesin;
13) baılanys aqparattaryn;
14) bilim jáne ǵylym salasyndaǵy normatıvtik quqyqtyq aktilerin qamtıdy.
23. Akademııada ótkizetin halyqaralyq is-sharalar, forýmdar, semınarlar, konferensııalar, jarystar, oqý-ádistemelik jıyndar týraly aqparat josparlanǵan ótkizý kúnine deıin jartyjyldan keshiktirilmeı Akademııanyń ınternet-resýrstaryna ornalastyrylady.
Shuǵyl jáne josparlanbaǵan is-sharalardy ótkizý barysynda berilgen aqparatty ornalastyrý Akademııa basshylyǵynyń nusqaýymen bastamashyny jáne mindetti túrde sebepterin kórsete otyra ótkizý merzimin josparlaǵanǵa deıin kúntizbelik on kún buryn kezekten tys is-sharany ótkizýge bolady.
Erekshe jaǵdaılarda ǵana atalǵan aqparatty kezekten tys is-sharalardy 10 kún buryn josparlanyp otyrǵan kúnine deıin ornalastyrýǵa bolady jáne mindetti túrde sebepterin kórsetý qajet.
24. Akademııanyń ınternet-resýrstarynda ornalastyrylatyn dınamıkalyq aqparat jańa aqparattyń kelip túsýine qaraı kezeń-kezeńimen jańartylyp turady.
25. Akademııanyń ınternet-resýrstarynda ornalastyrylatyn statıkalyq aqparattar toqsan saıyn jańartylyp otyrady.
26. Akademııanyń ınternet-resýrstaryna aqparattardy ornalastyrý men jańartý tártibin Akademııa derbes anyqtaıdy.
27. Akademııanyń ınternet-resýrstarynda Qazaqstan Respýblıkasynyń memlekettik sımvoldary, sondaı-aq Akademııanyń resmı sımvolıkasy men logotıpi ornalastyrylady.
28. Internet-resýrstar Akademııanyń Jarǵysyna sáıkes onyń qyzmetine qatysty aqparatty, menshikti aqparattyq resýrstarǵa, sondaı-aq quqyq ıelenýshilermen jasalǵan sharttar men kelisimder negizinde basqa da uıymdardyń resmı saıttar men joǵary oqý oryndarynyń bilim berý portaldaryndaǵy resýrstarǵa siltemelerdi qamtıdy.
Internet-resýrstarda Akademııa qyzmetine jatpaıtyn ózge de málimetterdi ornalastyrýǵa jol berilmeıdi.
29. Internet-resýrstarda ornalastyrylatyn aqparat memlekettik jáne orys tilderinde ornalastyrylady.
Buıryq Qazaqstan Respýblıkasynyń Ádilet mınıstrliginde 2016 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №13655 bolyp engizildi.