2016 jylǵy 31 naýryz, Astana qalasy
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 8) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalary bekitilsin.
2. Akademııanyń Rektory U.S. Baıjanov:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D.Merkelge júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
QazaqstanRespýblıkasynyń Bas Prokýrory A.DAÝYLBAEV
Qazaqstan Respýblıkasy Bas Prokýrorynyń 2016 jylǵy 31 naýryzdaǵy № 61 buıryǵymen bekitilgen
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalary
1. Jalpy erejeler
1. Osy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-1-babynyń 8) tarmaqshasyna sáıkes ázirlendi.
2. Qaǵıdalar Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý tártibin aıqyndaıdy.
3. Qaǵıdalarda mynadaı termınder men anyqtamalar qoldanylady:
1) avtor – shyǵarmashylyq eńbegimen shyǵarma, ǵylymı zertteý, sonyń ishinde oqý jáne ádistemelik materıaldardy daıyndaǵan jeke tulǵa;
2) avtorlyq ujym – seriktes avtorlar retinde jınaqtalǵan jeke tulǵalar toby;
3) oqý-ádistemelik keshen (budan ári –OÁK) – bilim alýshynyń pándi ótý úshin jetimdi, tolyq aqparatty qamtıtyn oqý páni (pánder) mazmunyn meńgerýin qamtamasyz etýge baǵyttalǵan jekelegen oqýlyq jáne ádistemelik basylymdardyń jıyntyǵy;
4) oqýlyq basylymdary, oqý-ádistemelik keshenderiniń monıtorıngi – oqýlyq basylymyn, oqý-ádistemelik keshenderin bilim berý prosesine engizý nátıjeleri jónindegi aqparatty jınaqtaý, saqtaý, óńdeý jáne taratý;
5) oqýlyq basylymdaryn, oqý-ádistemelik keshenderin synamaqtan ótkizý – bilim berý uıymdarynyń oqytý prosesinde oqýlyq basylymdaryn, oqý-ádistemelik keshenderdiń paıdalaný tájirıbesin engizý jáne keshendi zerdeleý;
6) oqýlyq basylymdaryna, oqý-ádistemelik keshenderine saraptama – mazmuny memlekettik jalpyǵa mindetti bilim berý standartynyń (budan ári - MJMBS), úlgilik oqý josparyna jáne úlgilik oqý baǵdarlama talaptaryna, oqytý, tárbıeleý jáne damytý maqsattaryna, qazirgi zamanǵy ǵylymı túsinikterge jáne ǵylymnyń psıhologııalyq-pedagogıkalyq talaptaryna sáıkestilik baǵasy;
7) oqýlyq basylymy – júıelengen ǵylymı, qoldanbaly sıpattaǵy málimeti bar, oqýǵa jáne oqytý úshin qolaıly túrde mazmundalǵan, belgili bir akademııalyq dárejede oqıtyndarǵa eseptelip, naqty bilim berý (oqý) baǵdarlamasy boıynsha bilim berý prosesinde paıdalanýǵa arnalǵan basylym;
8) sarapshy – saraptama júrgizýge tartylatyn, bilim berý, ǵylym, tehnıka jáne basqa da salalarda kem degende bes jyl eńbek ótili jáne tıisti biliktiligi bar jeke tulǵa;
9) elektrondyq jetkizgishterdegi oqýlyq basylymy – oqytýdy avtomattandyrýǵa arnalǵan, oqý kýrsyna sáıkes keletin jáne oqý jumystarynyń ár-alýan túrlerin qamtamasyz etetin, sandyq, mátindik, grafıkalyq, aýdıo, beıne jáne ózge aqparattyń jıyntyǵy retinde usynylǵan basylym.
4. Bilim berý prosesin oqý-ádistemelik qamtamasyz etýdiń tıimdiligin arttyrý jáne professorlyq-oqytýshylyq quramnyń jumysyn yntalandyrý maqsatymen Akademııada úzdik oqýlyq basylymyna, OÁK baıqaý júrgiziledi.
Baıqaýdy júrgizý tártibi Akademııamen derbes aıqyndalady.
2. Oqýlyq basylymdaryn, oqý-ádistemelik keshenderin daıyndaý tártibi
5. Oqýlyq basylymdaryn, oqý-ádistemelik keshenderin ázirleý avtormen (avtorlyq ujymmen) MJBS-na, oqý páni (pánderi) boıynsha úlgilik oqý baǵdarlamasy jáne úlgilik oqý josparlaryna sáıkes kelesi talaptardy eskere otyryp júrgiziledi:
1) oqý páni (pánderi) boıynsha neǵurlym ózekti bilimderdi engizý;
2) usynylǵan oqý jáne ádistemelik materıaldardyń durystyǵy;
3) bilim alýshylardyń kontıngentin eskerý (bilim berý baǵdarlamasyn eskere otyryp);
4) oqý materıaly mazmunynyń kásibı, tájirıbelik baǵyttylyǵy.
6. Oqýlyq basylymdarynyń, OÁK avtorlyq ujymynyń quramyna ǵalymdar, oqytýshylar, ǵylymı qyzmetkerler, quqyq qorǵaý organdarynyń qyzmetkerleri, oqý basylymnyń beıini boıynsha mamandar jáne ádiskerler kiredi.
7. Daıyndalǵan oqýlyq basylymdary jáne OÁK kafedranyń (ortalyqtyń, ınstıtýttyń) otyrysynda qarastyrylýǵa jatady, onda mynadaı sheshimderdiń biri qabyldanady:
1) oqýlyq basylymyna, OÁK saraptaý júrgizý týraly;
2) oqýlyq basylymyn, OÁK pysyqtaý týraly.
Kafedra otyrysy hattamasynan úzindi sheshim qabyldanǵan soń úsh jumys kúninde avtorǵa (avtorlyq ujymǵa) joldanady.
8. Ońtaıly saraptaý qorytyndysy bolǵan jaǵdaıda oqýlyq basylymy, OÁK Akademııanyń oqý-ádistemelik keńesinde jáne Akademııanyń Ǵylymı keńesinde qarastyrylýǵa jatady.
3. Oqýlyq basylymdaryna, oqý-ádistemelik keshenderge saraptaý júrgizý tártibi
9. Bilim berý qyzmetinde paıdalanýǵa usynylatyn oqýlyq basylymdary, OÁK mazmunynnyń MJBS talaptaryna, úlgili oqý josparlary men baǵdarlamalaryna, ǵylymı zertteýlerge, oqytýdyń, bilim alýshylardyń damý maqsattaryna, psıhologııalyq-pedagogıkalyq ǵylymnyń qazirgi kezeńdegi talaptaryna, OÁK ádistemelik jáne ǵylymı apparatyna qoıylatyn talaptarǵa sáıkestigin baǵalaý úshin olarǵa saraptaý júrgiziledi.
10. Saraptaý Akademııanyń oqý-ádistemelik jáne ǵylymı-zertteý jumysyn júrgizý boıynsha qurylymdyq bólimshesimen júrgiziledi (budan ári – Bólimshe).
11. Avtor (avtorlyq ujym) oqýlyq basylymyna jáne OÁK saraptaý júrgizý úshin Bólimshege kelesi materıaldardy joldaıdy:
1) avtory (avtorlyq ujym), tıtýldy betine sáıkes ataýy, tili, basylymnan shyǵý jyly kórsetilgen oqýlyq basylymyna, OÁK saraptaýjúrgizý týraly baıanatty (ótinishti);
2) kafedra (ortalyq, ınstıtýt) otyrysynyń hattamasynan úzindi;
3) oqýlyq basylymynyń, OÁK eki danasy nemese elektrondy oqýlyq basylymy úshin CD (DVD)-dıskisi;
4) basylymnyń negizgi tujyrymdamalyq oılaryn, ázirlenýinińózektiligin, MJBS, úlgilik oqý baǵdarlama talaptarynyń iske asýyn, al qaıta basylyp shyǵarylatyn oqýlyq basylymdary úshin – avtormen (avtorlyq ujymmen, ázirleýshimen) engizilgen ózgeristeri men tolyqtyrýlaryn qamtıtyn oqý basylymyna, OÁK túsindirme jazbasy;
5) eki syn-pikir – ishki jáne syrtqy;
6) ornatý boıynsha nusqaýlyq jáne paıdalanýshy úshin basshylyqqa alynatyn erkin nysandaǵy nusqaýlyq – elektrondy oqýlyq basylymdary, OÁK úshin.
12. Oqýlyq basylymdaryna, OÁK saraptaý júrgizý úshin Bólimshe 5 adamnan aspaıtyn ǵylymı dárejesi (ǵylym kandıdaty, ǵylym doktory) nemese (PhD) fılosofııa doktory dárejesi bar professorlyq-oqytýshylyq quram, oqýlyq basylymy daıyndalǵan sáıkes sala boıynsha tájirıbelik qyzmetkerler sanynan sarapshylardy tartady.
13. Sarapshylarǵa avtormen (avtorlyq ujymmen) usynylǵan qujattardyń barlyq jıyntyǵy beriledi.
14. Bir oqýlyq basylymyn, OÁK saraptaýAkademııa kafedrasynyń (ortalyqtyń, ınstıtýttyń) otyrysynda sheshim qabyldaǵan kúnnen bastap kúntizbelik alpys kún ishinde uıymdastyrylady jáne júrgiziledi.
15. Saraptaý qorytyndysynda mynadaı sheshimderdiń biri kórsetiledi:
1) basylymǵa jáne oqý prosesinde paıdalanýǵa usynylady;
2) basylymǵa jáne oqý prosesinde paıdalanýǵa usynylmaıdy.
16. Avtor (avtorlyq ujym) saraptaý nátıjeleri týraly saraptaý qorytyndysy shyqqannan keıin úsh jumys kúni ishinde Bólimshemen habarlandyrylady.
17. Sarapshylardyń ońtaıly qorytyndysynyń negizinde Akademııanyń oqý-ádistemelik keńesi jáne Ǵylymı keńesi oqýlyq basylymyn, OÁK baspadan shyǵarýǵa usynady.
18. Saraptaý nátıjesimen avtor (avtorlyq ujym) kelispegen jaǵdaıda, Akademııa kafedrasynyń (ortalyqtyń, ınstıtýttyń) sheshimi boıynsha qosymsha saraptaý júrgiziledi, ony júrgizý osy Qaǵıdalardyń 12 tarmaǵyna sáıkes basqa sarapshylarǵa tapsyrylady.
Qosymsha saraptaý Bólimshemen uıymdastyrylady.
19. Sarapshylardyń qorytyndysy negizinde pysyqtalǵan oqýlyq basylymdaryna, OÁK osy Qaǵıdalaradyń 11-14 tarmaqtaryna sáıkes saraptaý júrgiziledi.
20. Oqýlyq basylymyn, OÁK pysyqtaý týraly qorytyndy sarapshylarmen qaıta shyǵarylǵan jaǵdaıda, olardy keıin saraptaý sáıkes sheshim shyǵarylǵan soń keminde bir jyldan soń júrgiziledi.
4. Oqýlyq basylymdary men oqý-ádistemelik keshenderdi
synamaqtan ótkizý, olarǵa monıtorıng júrgizý jáne basyp shyǵarý tártibi
21. Jańadan ázirlengen oqýlyq basylymdaryn synamaqtan ótkizý bir oqý jyly ishinde júrgiziledi.
22. Synamaqtan ótkizý oqýlyq basylymdy keıinnen oqý prosesine engizý maqsatymen júrgiziledi.
23. OÁK (nemese onyń jekelegen elementterin) synamaqtan ótkizý kem degende bir oqý jylynda júrgiziledi.
24. Oqýlyq basylymdaryn, OÁK synamaqtan ótkizý bilim berý mekemelerinde júrgiziledi.
25. Synamaqtan ótkizý nátıjeleri avtordyń (avtorlyq ujymnyń) qatysýymen Akademııanyń oqý-ádistemelik keńesinde oqýlyq basylymyn, OÁK bilim berý qyzmetinde paıdalaný múmkindigi týraly sheshim qabyldaý úshin qaralýǵa jatady.
Synamaqtan ótkizý nátıjeleri boıynsha oqýlyq basylymyn, OÁK jetildirý boıynsha usynystar shyǵarylǵan jaǵdaıda, olar oqýlyq basylymdaryna, OÁK monıtorıng júrgizý kezinde esepke alý úshin Bólimshege tapsyrylady.
Oqý-ádistemelik keńestiń sheshimi qabyldanǵan kúninen bastap bir jyl ishinde kúshinde bolady.
26. Bólimshe oqýlyq basylymdaryn, OÁK monıtorıngin kelesi maqsattarda júrgizedi:
1) Akademııada bilim berý prosesin, oqý baǵdarlamalaryn qazirgi zamanǵy oqýlyq basylymdarygmen qamtamasyz etý suraqtary boıynsha taldaý jasaý;
2) oqý prosesinde paıdalanylatyn oqýlyq basylymdary, oqý-ádistemelik keshenderiniń sapasyn jaqsartý jáne olardy ózektendirý qajettiginde.
Monıtorıng nátıjeleri boıynsha Bólimshe usynystar shyǵarady jáne olardy Akademııanyń oqý-ádistemelik keńesi jáne Ǵylymı keńesiniń qaraýyna engizedi.
27. Ońtaıly tájirıbeni engizý maqsatynda Akademııa óziniń oqý basylymdarymen aıyrbas jasaýdy keıinnen olardy bilim berý uıymdarynyń oqý prosesine engizýmen júrgizedi.
28. Oqýlyq basylymdary, OÁK Akademııanyń jáne/nemese avtordyń (avtorlyq ujymnyń) qarajaty esebinen basylyp shyǵarylady.
Oqýlyq basylymyn, OÁK basyp shyǵarý Akademııanyń oqý-ádistemelik keńesi jáne Ǵylymı keńesiniń sheshimi negizinde júzege asyrylady.
29. Oqýlyq basylymyn, OÁK redaksııalaý jáne terý Bólimshemen qamtamasyz etiledi, bul aıaqtalǵan soń olardyń taralymy júrgiziledi.
Buıryq Qazaqstan Respýblıkasynyń Ádilet mınıstrliginde 2016 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №13658 bolyp engizildi.