Keshe «Nur Otan» HDP oblystyq fılıalynyń májilis zalynda partııanyń HIII sezi sheshimimen QR prezıdenttigine kandıdat retinde usynylǵan Nursultan Nazarbaevty qoldaý brıfıngi bolyp ótti.
Osyǵan oraı jergilikti aqparat quraldarynyń ókilderine arnaıy málimet bergen oblystyq partııa fılıalynyń tóraǵasy Nurlan Qudaıbergenov Ortalyq saılaý komıssııasynan tirkeýden ótken «Nur Otan» partııasynyń kóshbasshysyn qoldaý jónindegi oblystyq shtab qurylǵanyn jetkizdi.
О́ńirimizden elordadaǵy sezd jumysyna qatysqan ol basqosý barysynda birqatar máselelerdiń kóterilgenin tilge tıek etti. Oblysymyzda qurylyp otyrǵan shtab jumysyna tóraǵalyq etý kezinde basqa qyzmetterden ýaqytsha bosatylǵanyn da aıtty. Oblys deńgeıinde jumys jasaıtyn shtab tóraǵasynyń eki orynbasary bar. Olar – partııa fılıaly tóraǵasynyń birinshi orynbasary О́lmeshan Bolatbekov pen Qorqyt ata atyndaǵy memlekettik ýnıversıtettiń rektory Baızaq Momynbaev.
Dál osyndaı basqosý ótken dúısenbide «Nur Otan» qalalyq fılıaly ǵımaratynda da uıymdastyryldy. Qoǵamdyq shtab jumysyna qalalyq fılıaldyń birinshi orynbasary Maqsut Baekeev jetekshilik etedi. Shtab quramyna qaladaǵy ǵylym, mádenıet, densaýlyq saqtaý salasynyń ókilderi, burynnan tájirıbesi mol jandar qamtyldy. Shtabtyń negizgi mindeti – prezıdenttikke kandıdat Nursultan Ábishuly Nazarbaevqa qoldaý kórsetý, onyń saılaýaldy tuǵyrnamasyn túsindirý boıynsha jan-jaqty nasıhat jumystaryn júrgizý.
Erjan BAITILES.