Nasıhat toby Batys óńirde

Keshe Baılanys jáne aqparat mınıstri Asqar Ju­maǵalıev bastaǵan aqparattyq-nasıhat toby  ju­mys saparymen Batys Qa­zaq­stan oblysyna keldi.  Sa­par­dyń maqsaty  Prezıdent Nur­sul­tan Na­zar­baev­tyń Qa­zaq­stan halqyna arnaǵan kezekti Jol­­daý­yn­da kór­se­til­gen mindetter men tapsyr­ma­lardyń  júzege asyrylý ba­rysy týraly  jergilikti turǵyndardy aqparattandyrý. Jumys sapary barysynda Asqar Jumaǵalıev «Qa­zaq­te­le­kom» AQ-tyń qyzmetkerlerimen jáne Qa­zaq­standyq ınnova­sııa­lyq-telekommýnıkasııalar júıesi ýnı­versıtetiniń stýdentterimen kezdesti. Kezdesý ba­ry­synda mınıstr: «Joldaýda Mem­le­ket basshysy jastar máse­le­si­ne kóp kóńil bóldi. О́ıt­keni, eli­mizdiń bola­shaǵy sizderdiń qolda­ry­ńyzda», – dep aıtyp ótti. Kezdesý  sońynda QazITÝ stý­dentteri  e-úkimettiń www.egov.kz/portalyndaǵy  memlekettik  elektrondyq qyzmetterdi alý úshin qajetti elektrondyq san­dyq qoltańbaǵa ıe boldy. Aqparattyq-nasıhat tobynyń  Batys Qazaqstan ob­ly­syna ju­mys sapary barysynda Asqar Ju­ma­ǵalıev  batys aımaqtyq bu­qaralyq aqparat quraldarynyń ókil­derimen kezdesti. Aqtóbe, Aty­raý, Mańǵystaý jáne Batys Qazaqstan oblystyq  buqaralyq aqparat qural­darynyń  jetekshileri men bas redaktorlary Memleket basshysy­nyń  Joldaýynda aıtylǵan tapsyrmalardy júze­ge asy­rý barysyn talqylady. Kezdesýde «Tele­radıo­habarla­ryn taratý» zań jobasy men sandyq spýtnıktik televızııa salasyn  jáne otandyq medı­akeńistikti damytý máseleleri sóz boldy. Kezdesý kezinde Baılanys jáne aqparat mınıstri Asqar Jumaǵalıev zaldan qoıylǵan kóptegen suraqtarǵa jaýap qaıtardy. Mysaly ol: bizdiń respýblıkada  ǵalam­tor qyzmetin paıdalaný baǵasy áli de joǵary kúıinde qa­lyp otyr. Onyń jyldamdyǵy da búgingi zamanǵy óske­leń talaptar deńgeıine sáıkes kele bermeıdi. Siz buǵan ne deısiz? – degen saýalǵa bylaı dedi. – Ne nárseniń de baǵamy men artyqshylyǵyna salys­tyr­maly túrde baǵa berip, kóz jetkizýge bolady. Ǵa­lam­tor qyzmetiniń qoljetimdiligi boıynsha qazaqstandyqtar álemde alǵashqy ondyqqa kiredi. Bul qanaǵat tutýǵa tu­ratyn kórsetkish. Al ınternettik jyldamdyq jónindegi máselege kelsek, bizde ony Eýropa elderimen bir ólshemde qaraıtyndar da jetkilikti. Bul memleketterde halyq tyǵyz, aýmaqtar yqsham, shaǵyn ári bir-birine jaqyn ornalasqan. Sondyqtan da, atalǵan máselede aıtarlyqtaı problema bola bermeıdi. Bizdiń jerimizdiń keńdigi, óńirlerdiń bir-birimen qashyqtyǵy ınternet jyldamdyǵyn kóterýge keri áserin tıgizbeı qalmaıdy. Árıne, munyń ózi baǵa tómendemeıdi degen uǵymdy bildirmeıdi. Búginde mınıstrlik mamandary ǵalamtordy paıdalaný qyzmetin arzandatý joldaryn izdestirý ústinde. Temir QUSAIYN.