Memleket basshysy Qyrǵyz Respýblıkasynyń Prezıdenti Almazbek Atambaevqa kóńil aıtý jedelhatyn joldady. Bul týraly akorda.kz habarlady.
Jedelhatta Elbasynyń Máskeý qalasyndaǵy baspahanada shyqqan órt pen Bishkek-Osh tas jolyndaǵy jol-kólik oqıǵasy saldarynan Qyrǵyz Respýblıkasy azamattarynyń qaza bolǵany týraly sýyt habardy zor kúızelispen qabyldaǵany atap ótilgen.
Nursultan Nazarbaev aza tutyp jatqan baýyrlas qyrǵyz halqynyń qaıǵysyna ortaqtasyp, qaza bolǵandardyń týystary men jaqyndaryna Qazaqstan halqynyń jáne jeke óziniń atynan kóńil aıtty.
Qazaqstan Prezıdenti zardap shekkenderdiń tezirek saýyǵyp ketýine tilektestik bildirdi.
Aıdar О́RISBAEV