Baǵa belgileý baqylaýsyz bolmaýy tıis

Keshe Premer-Mınıstr Kárim Másimov oblystardyń, Astana jáne Almaty qalalarynyń ákimderimen selektorlyq keńes ótkizdi, dep habarlady Premer-Mınıstrdiń baspasóz qyzmeti. Keńeske qatysýshylar el óńir­leriniń azyq-túlik jáne je­mis-kókónis rynoktaryndaǵy aǵym­daǵy ahýaldy, sol sııaqty azyq-túlik qaýipsizdigin qamtamasyz etý máseleleri jóninen qysqa merzimdi jáne orta merzimdi sharalar qabyldaý máselelerin tal­qylady. Onda Ekonomıkalyq damý jáne saýda mınıstri Janar Aıtjanova, Aýyl sharýashylyǵy mınıstri Aqylbek Kúrishbaev, Básekelestikti qorǵaý agenttiginiń tóraǵasy Májıt Esenbaev, Statıstıka agenttiginiń tóraǵasy Álıhan Smaıylov, sol sııaqty jergilikti atqarý organdary men áleýmettik-kásipkerlik korporasııalar bas­shy­lary baıandama jasady. Talqylaý qorytyndysy boı­ynsha K.Másimov oblystardyń, Astana jáne Almaty qalalary­nyń ákimderine azyq-túlik taýar­lary rynoktaryndaǵy baǵa belgileýge baqylaýdy kúsheıtýdi tap­syrdy. Ortalyq atqarý organ­daryna Keden odaǵy sheńberinde qol jetkizilgen ýaǵdalastyqtar men aǵymdaǵy ahýaldy eskere otyryp, ishki rynokty azyq-túlik taýarlarymen molyqtyrý jáne baǵany turaqtandyrý jóninen ke­shendi de júıeli is-sharalar ázir­leýdi aıaqtaý júkteldi. Premer-Mınıstr áleýmettik mańyz­dy taýarlarǵa baǵa belgileýdi jetildirý máselesine, agroónerkásip keshenine memlekettik qoldaý kór­setý nátıjelerin arttyrýǵa, azamattardyń jekelegen top­ta­ry­na ataýly kómek kórsetýge, sol sııaqty tarıf belgileý men sýbsıdııalaý máselelerinde ortalyq jáne jergilikti atqarý organ­da­ry­nyń ózara is-qımyldaryn kú­sheı­týge nazar aýdarý qajettigin atap kórsetti. Ákimdikterge ónimder baǵa­lary­nyń qymbattaýyna jáne bazarlar men saýda úıleri basshy­larynyń saýda oryndary úshin arendalyq aqyny negizsiz kóterýi saldarynan iskerlik belsendilik­tiń tómendeýine jol bermeý jó­ninen sharalar qa­byldaý mindetteldi. Quqyq qor­ǵaý jáne baqy­laý organdaryna azyq-túlik taýar­­laryn óndi­re­tin iri dıler­lerdiń, sondaı-aq áleýmettik ma­ńyzdy taǵam ónim­derin satatyn deldaldardyń saýda qyzmetine ba­qylaýdy kúsheıtý jóninde tap­syrma berildi.