Alǵashqy kandıdat tirkeldi

Saılaý zańnamasyna sáıkes Qa­zaqstan Respýblıkasy prezıdenttigine kandıdat oblystardyń kem degende úshten ekisiniń, Astana men Al­maty qalalarynyń atynan teń­deı ókildik etetin saı­laýshylardyń jalpy sanynyń kem degende 1 paıyzdyq qol­daýyna ıe bolýy tıis. Osy jerde sál sheginis jasaıtyn bolsaq, Shákárim atyndaǵy Semeı memlekettik ýnıversıtetiniń rekto­ry Erlan Sydyqov Prezıdenttiń ókilettigin uzartý týraly referendým ótkizý bastamasyn kóter­geni belgili. Bes mıllıonnan astam qol jınalýymen qatar, «Qa­zaq­stan-2020» demokratııalyq kúsh­terdiń koalısııasy da qa­lyptasyp úlgerdi. Alaıda Elbasy referendýmnan bas tartyp, merziminen buryn saılaý ótkizý týraly sheshim qabyl­daǵan­nan keıin saılaý dodasy bas­talyp ketti. «Nur Otan» halyqtyq-demokratııalyq partııasynyń kezekti HIII se­zinde sóılegen sózinde Nur­sultan Nazarbaev atalǵan bas­ta­maǵa qoldaý kórsetken qazaq­stan­dyqtarǵa rızashylyǵyn bildire oty­ryp, óziniń osyndaı sheshim qa­byldaǵanyn jetkizgen edi.

О́z ustanymyn Nursultan Ábishuly bylaı túsindirdi: «Men úshin el Pre­zıdenti retinde halyqtyń senimi bárinen de joǵary. Tek eli­mizdiń jo­ǵary múddelerin basshy­lyqqa alǵan men referendýmnyń ornyna merziminen buryn prezıdenttik saı­laý ótkizý týraly sheshim qabyldadym». Osy quryltaıǵa qatysqan Erlan Sydyqov saılaý men referen­dým­nyń ekeýi de halyq bıligin jú­ze­ge asyrýdyń zańdy joly ekendigin aıta kelip, Qazaqstannyń Tuń­ǵysh Prezıdenti Nursultan Nazar­baev­ty «Nur Otan» HDP atynan prezıdenttikke kandıdat retinde usynǵan bolatyn. Mundaı usynys partııalastary tarapynan qyzý qol­daýǵa ıe bolǵany belgili. Usy­nyl­ǵan qujattardy qaraı kele, Orta­lyq saılaý komıssııasy olar­dyń saılaý zańnamalaryna sáıkes keletindigin anyqtap, Nursultan Ábish­uly  Na­zarbaevty Qazaqstan Res­pýb­lıkasy prezıdenttigine kandıdat retinde tirkeý týraly qaýly qabyldady.

Asqar TURAPBAIULY.