Qazaqstan Respýblıkasynyń prezıdentin saılaýda Elbasymyz, «Nur Otan» partııasynyń Tóraǵasy Nursultan Nazarbaevty qoldaý boıynsha oblystyq saılaýaldy qoǵamdyq shtaby quryldy. Quramyna saıası partııalar men úkimettik emes uıymdardyń basshylary, barlyq deńgeıdegi máslıhat depýtattary, etnomádenı jáne jastar qoǵamdyq birlestikteriniń ókilderi kiretin shtabtyń tóraǵasy – «Nur Otan» halyqtyq-demokratııalyq partııasy Jambyl oblystyq fılıaly tóraǵasynyń birinshi orynbasary Masat Berik .
Shtabtyń alǵashqy otyrysynda M.Berik el tarıhynda alar ózindik orny bar saıası naýqannyń mán-mazmunymen jáne shtabtyń alǵa qoıyp otyrǵan maqsat-múddelerimen keńinen tanystyryp ótti.
Qoldanystaǵy zańǵa sáıkes, saılaý ótkiziletin merzimnen bir aı buryn, nemese 3 naýryzdan bastap saılaýaldy úgit-nasıhat jumystaryn júrgizgenge deıin shtab músheleri uıymdastyrý jumystarymen aınalysady. Shtab aldymen naqty is-jospardy bekitip alýdy kózdep otyr.
Oblystyq saılaýaldy qoǵamdyq shtaby – «Nur Otan» HDP Jambyl oblystyq fılıaly ǵımaratyna ornalasty.
Kósemáli SÁTTIBAIULY.
Taraz.