Chempıonat neni kórsetti?

Almatyda el spartakıadasy aıasynda ótken bokstan eresekter arasyndaǵy Qa­zaq­stan chempıonaty aıaqtaldy Bir jeti boıy Balýan Sholaq atyn­daǵy Mádenıet jáne sport sa­raıynda kerilgen sharshy alańda on salmaq boıynsha kúsh synas­qandar arasynda tómendegi boksshylar el chempıony atandy. 49 kg. salmaqta Azamat Eseǵulov (Jambyl obly­sy), Álı Baıbozov (Mańǵystaý ob­lysy, 52 kg.), Ǵanı Jaılaýov (Jam­byl oblysy, 60 kg.), Danııar Eleýsinov (Astana qalasy, 64 kg.), Rústem Sybaev (Qyzylorda oblysy, 69 kg.), Danabek Sýjanov (Shyǵys Qa­zaqstan oblysy, 75 kg.), Arman Rys­bek (Soltústik Qazaqstan obly­sy, 81 kg.), Vasılıı Levıt (Astana qa­lasy, 91 kg.) jáne eń aýyr salmaqta Ivan Dychko (Qostanaı oblysy) Qa­zaqstan chempıony ataǵyn taǵy bir márte jeńip aldy. Sóıtip, jeńim­paz­dar ishinde Vasılıı Levıt pen Ǵanı Jaılaýov úsh márte, Danııar Eleýsinov pen Ivan Dychko eki már­te el chempıony ataǵyna ıe boldy. Chempıonat sońynda jarystyń úzdik boksshysy bolyp Danııar Eleý­sinov atansa, «Qaısar minez ta­nyt­qany úshin» ataǵyn Aıdar Ál­mir­zaqov, «Úzdik tóreshi» ataǵyn Baqytjan Bekpenbetov ıelendi. Jalpy, bıylǵy boks báseke­sin­de nebir jaǵdaılardyń bolǵanyn aıtýǵa bolady. Máselen, Beıjiń Olımpıadasynyń qola júldegeri Erkebulan Shynálıev (Ońtústik Qazaqstan oblysy) alǵashqy kezdesýinde mańǵystaýlyq Álibek Bal­qo­jadan jeńilgen soń, sharshy alań­nan birjolata ketýdi oılastyryp jatqanǵa uqsaıdy. О́ziniń aıtý­yn­sha, qazir onyń salmaǵy 103 kg. Chempıonat aldynda ol biraz salmaq qýyp, jarysqa eki aı ýaqyt qal­ǵanda daıyndala bastaǵan. Al onyń burynǵy 81 kg. salmaǵyna qazir aýysý  múmkin emes kórinedi. Son­dyq­tan E.Shynálıevtiń sharshy al­ań­nan shynymen de ketip, qol­ǵabyn shegege ilýi ǵajap emes. Bı­ylǵy dodada sondaı-aq mynadaı kút­pegen oqıǵa boldy. Tarazdyq Azamat Ese­ǵulov pen soltústik­qa­zaq­standyq Ar­man Rysbek ózde­ri­nen táji­rı­beli Birjan Jaqyp pen Almat Serimovti utyp, chempıon atandy. Bul degenimiz, jeńil jáne aýyr sal­maqta jyl saıyn báse­ke­lesterdiń kóbeıip jat­qanyn kórse­te­di. Chempıonatta or­yn alǵan daý­ly má­se­lelerdiń biri Ol­jas Sát­ti­baevtyń (Jambyl ob­ly­sy) qarsy­la­synan jeńilgeni boldy. Ras, halyqaralyq dárejedegi sport sheberi O.Sáttibaev alǵash­qyda qyzylordalyq qarsylasy B. Júsipti «ońaı olja» dep oılap, birinshi raýndty teń aıaqtaýǵa májbúr boldy. Al endi ekinshi raýndta Ol­jastyń basymdyǵy aıqyn kórindi. Úshinshi raýndta, tipti, qarsylasyn qarsha boraǵan soqqynyń astyna alǵanymen   tóreshiler 9:8 esebimen «jeńisti» B. Júsipke berdi. Osy jekpe-jekten arnaıy reportaj júrgizgen «Qazaqstan» te­le­arnasynyń kommentatorlary da Oljastyń sheberligin dál anyq­taý­da tóreshiler tarapynan ádildik bolmaǵanyn aıtyp janaıqaıǵa ba­sý­daı-aq basty. Bokstyń basy-qa­synda júretin janashyr, mesenat azamat Músilim Daıyrbekov te ta­lantty boksshyny súrindirgen tó­re­shilerdiń bezbúırektigine qatty qynjylypty. Barker Kýbogynyń ıegeri Baqtııar Artaev sekildi ta­lantty boksshyny Olımpıada bıigine deıin kótergen bilikti bapker Nurlan Aqúrpekov «protest» jazý­ǵa májbúr bolǵan.  Álem chem­pıo­ny, Olımpıadanyń eki dúrkin kú­mis júldegeri Bolat Jumadilov te Oljas Sáttibaevtyń anyq jeńgenin aıtyp otyr. Mundaı jaǵdaı byltyrǵy Qa­zaq­stan birinshiliginde de oryn al­ǵan. Sonyń kesirinen, ótken jylǵy «birinshi» nómirli boksshy dep ma­ra­pattaǵan jastardyń eshqaısysy da halyqaralyq jarystardan al­tyn ne kúmis alyp kele almady. Keı­biri, tipti, qola medalǵa da qol jetkizbedi. Bıyl solardyń bári qumǵa sińgen sýdaı joq. Aıtaıyn degenimiz, alda el na­mysy synǵa túsetin úlken jarys­tar kútip tur. Onda London Ol­ım­pıadasyna joldamalar beriledi. Al oǵan halyqaralyq rıngterge tizesi dirildemeı, janary taısalmaı  shy­ǵa alatyn jáne halyqaralyq rıng­tiń «aýa raıynan» habary bar tá­ji­rıbeli boksshylar barýy kerek. Sol úshin osy jarysta «birinshi», «ekinshi» oryn aldy dep marapattalǵan boksshylarmen básekelese alamyn degenderdi sparrıngke shyǵaryp, shyn myqtyny anyqtap alý qajet. Kimniń myqty ekeni sonda ǵana anyqtalady. Eliniń abyroıy úshin, sportshysynyń ar-namysy úshin ol sparrıngke Týrızm jáne sport mınıstri, Boks federasııasynyń prezıdenti, Olımpıadalyq komıtettiń tóraǵasy sııaqty laýazymdy bas­shy­lar men bilikti bapkerler qa­ty­syp, kimniń kim ekenin kórýi   mindet dep bilemiz. P.S Bokstan áýesqoılar arasynda el chempıonaty aıaqtalǵan kezde kásipqoı boksshylardyń «Astana arlandary» komandasynyń Makaoda qytaılyq «Beıjiń aıdaharlary» komandasynan basym túskeni týraly habar kelip jetti. Bul kezdesýdegi esep 4:1 bolyp Baqyt Sársekbaev bastaǵan bylǵary qolǵap sheberlerimizdiń paıdasyna sheshildi. Qytaı boksshylarymen bolǵan kezdesýde Mereı Aqshalov qana Jımın Vangtan ese jiberip aldy. Al basqalary 54  kg. salmaqtaǵy Qanat Ábýtálipov, Baqyt Sársekbaev (73 kg.), Ramjon Ahmetov (85 kg.) pen 91 kg-den joǵary salmaqta kúsh synasqan Rýslan Myrsataev qarsylastarynan basym tústi. Dastan KENJALIN.