2016 jylǵy 28 qańtar ,Astana qalasy
«Elektrondyq úkimettiń» aqparattyq-kommýnıkasııalyq ınfraqurylymynyń
operatoryna bekitip beriletin memlekettik organdardyń ınternet-resýrstarynyń jáne «elektrondyq úkimettiń» aqparattyq-kommýnıkasııalyq ınfraqurylymy obektileriniń tizbesin bekitý týraly
«Aqparattandyrý týraly» Qazaqstan Respýblıkasynyń 2015 jylǵy 24 qarashadaǵy Zańynyń 7-babynyń 5) tarmaqshasyna sáıkes buıyramyn:
1. Qosa berilip otyrǵan «Elektrondyq úkimet» aqparattyq-kommýnıkasııalyq ınfraqurylymynyń operatoryna bekitiletin, memlekettik organdardyń ınternet-resýrstarynyń jáne «elektrondyq úkimettiń» aqparattyq-kommýnıkasııalyq ınfraqurylymy obektileriniń tizbesi bekitilsin.
2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B. Qazanǵap):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsyna jáne memlekettik organdardyń ıntranet-portalyna ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2), 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń
mindetin atqarýshy J. QASYMBEK
Qazaqstan Respýblıkasy Investısııalar jáne damý mınıstriniń mindetin atqarýshynyń
2016 jylǵy 28 qańtardaǵy №107 buıryǵymen bekitilgen
«Elektrondyq úkimettiń» aqparattyq-kommýnıkasııalyq ınfraqurylymynyń operatoryna
bekitip beriletin memlekettik organdardyń ınternet-resýrstarynyń jáne «elektrondyq úkimettiń» aqparattyq-kommýnıkasııalyq ınfraqurylymy obektileriniń tizbesi
1. «Elektrondyq úkimet» aqparattyq-kommýnıkasııalyq ınfraqurylymynyń operatoryna bekitip beriletin memlekettik organdardyń ınternet-resýrstary:
1) Qazaqstan Respýblıkasy Investısııalar jáne damý mınıstrligi;
2) Ońtústik Qazaqstan oblysynyń ákimdigi;
2. «Elektrondyq úkimettiń» aqparattyq-kommýnıkasııalyq ınfraqurylymynyń operatoryna bekitip beriletin «Elektrondyq úkimet» aqparattyq-kommýnıkasııalyq ınfraqurylymdarynyń obektileri:
1) «Elektrondyq úkimettiń» veb-portaly;
2) «Elektrondyq úkimettiń» shlıýzi;
3) «Jeke tulǵalar» memlekettik derekqory» aqparattyq júıesi;
4) «Zańdy tulǵalar» memlekettik derekqory» aqparattyq júıesi;
5) «E-lısenzııalaý» memlekettik derekqory» aqparattyq júıesi;
6) «Elektrondyq úkimettiń» tólem shlıýzi» aqparattyq júıesi;
7) «Mekenjaı tirkelimi» aqparattyq júıesi;
8) «Jyljymaıtyn múlik tirkelimi» memlekettik derekqory» aqparattyq júıesi;
9) «Halyqqa qyzmet kórsetý ortalyqtarynyń yqpaldastyrylǵan aqparattyq júıesi» aqparattyq júıesi;
10) «Qazaqstan Respýblıkasy memlekettik organdardyń ıntranet-portaly» aqparattyq júıesi;
11) Qazaqstan Respýblıkasy memlekettik organdarynyń elektrondyq qujat aınalymynyń biryńǵaı júıesi;
12) memlekettik josparlaý aqparattyq júıesi;
13) «e-Qarjymıni» ıntegrasııalanǵan avtomattandyrylǵan aqparattyq júıe;
14) kedendik avtomattandyrylǵan aqparattyq júıe;
15) táýekelderdi selektıvti baqylaý jáne basqarý;
16) syrtqy saýda keden statıstıkasynyń derekterine qoljetimdilikti statıstıkalaý, taldaý jáne uıymdastyrý;
17) golografııalyq qorǵaý elementi bar eseptik-baqylaý markasyn paıdalana otyryp, alkogol óniminiń óndirilýin jáne aınalymyn baqylaý;
18) aksızdik ónimderdiń jáne munaı ónimderi jeke túrleriniń óndirilýi men aınalymyn baqylaý (Aksız);
19) ıntegrasııalyq derekter qoımasy;
20) «Web-deklarant» elektrondyq deklarasııalaý kesheni;
21) qazynashylyqtyń ıntegrasııalanǵan aqparattyq júıesi;
22) «Qazynashylyq - klıent» aqparattyq júıesi;
23) «AHAJ» aqparattyq júıesi;
24) «Jyljıtyn múlik tizilimi» aqparattyq júıesi.
Buıryq Qazaqstan Respýblıkasynyń Ádilet mınıstrliginde 2016 jylǵy 26 aqpanda Normatıvtik quqyqtyq kesimderdi memlekettik tirkeýdiń tizilimine №13263 bolyp engizildi.