2016 jylǵy 28 qańtar, Astana qalasy
Kábildik kárizdi paıdalanýǵa berý qaǵıdalaryn bekitý týraly
«Baılanys týraly» 2004 jylǵy 5 shildegi Qazaqstan Respýblıkasy Zańynyń 8-baby 1-tarmaǵynyń 8-6) tarmaqshasyna sáıkes buıyramyn:
1. Qosa berilip otyrǵan Kábildik kárizdi paıdalanýǵa berý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B. Qazanǵap):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýbıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý
mınıstriniń mindetin atqarýshy J. QASYMBEK
Qazaqstan Respýblıkasy Investısııalar jáne damý mınıstriniń mindetin atqarýshysynyń
2016 jylǵy 28 qańtardaǵy №120 buıryǵymen bekitilgen
Kábildik kárizdi paıdalanýǵa berý qaǵıdalary
1. Jalpy erejeler
1. Osy Kábildik kárizdi paıdalanýǵa berý qaǵıdalary (budan ári –Qaǵıdalar) «Baılanys týraly» 2004 jylǵy 5 shildedegi Qazaqstan Respýblıkasy Zańynyń 8-baby 1-tarmaǵynyń 8-6) tarmaqshasyna sáıkes ázirlendi jáne kábildik kárizdi paıdalanýǵa berý tártibin aıqyndaıdy.
2. Osy Qaǵıdalarda mynadaı túsinikter men qysqartýlar qoldanylady:
1) kábildik káriz - baılanys kábilderin tóseýge, qurastyrýǵa jáne tehnıkalyq qyzmet kórsetýge arnalǵan jerasty qubyrlary men qudyqtardyń jıyntyǵy;
2) kábildik káriz arnasyndaǵy oryn – kábildik káriz arnasynda baılanys kábili ornalastyrylatyn oryn (aýdan);
3) kábildik kárizdiń bos syıymdylyǵy – paıdalanýǵa qoljetimdi jáne kábildik kárizdiń jalǵa berýshisi jýyrdaǵy on eki aı ishinde paıdalanýdy kózdemegen, rezervke/bronǵa qoıylmaǵan kábildik káriz arnasynyń/arnalarynyń kóldeneń qımasynyń bos aýdany;
4) kábildik kárizdi jalǵa alýshy (budan ári – Jalǵa alýshy) – kábildik kárizdi jalǵa berýshiden kábildik kárizdi paıdalanýǵa shart talaptaryna sáıkes alatyn jeke nemese zańdy tulǵa;
5) kábildik kárizdi jalǵa berýshi (budan ári – Jalǵa berýshi) – shart talaptary boıynsha jalǵa alýshylarǵa kábildik kárizdegi arnada baılanys kábilderin júrgizý úshin oryn beretin, kábildik kárizdiń ıesi bolyp tabylatyn jeke nemese zańdy tulǵa;
6) kábildik káriz qubyrjolynyń arnasy (budan ári – arna) – baılanys kábilderin júrgizýge arnalǵan kábildik káriz qubyrjolynyń ishki qýysy;
7) kábildik kárizde kábildi tóseýge arnalǵan tehnıkalyq talaptar (budan ári – TT) – kábildik kárizdi paıdalanýǵa alý úshin tehnıkalyq talaptar;
8) ruqsat-narıad – jalǵa alýshynyń paıdalanýyna berilgen, kábildik kárizde salynǵan, baılanys kábiliniń jóndeý-qalpyna keltirý jáne josparly- aldyn alý jumystaryn júrgizýge jalǵa berýshiniń jazbasha kelisimi.
3. Kábildik kárizdi paıdalanýǵa berý boıynsha qyzmetter Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy №175 buıryǵymen bekitilgen (normatıvtik quqyqtyq aktileriniń memlekettik tirkeý tiziliminde № 10705 bolyp bekitilgen) tabıǵı monopolııalar salasyndaǵy retteletin qyzmetterge (taýarlarǵa, jumystarǵa) qol jetkizýdiń teń jaǵdaılaryn usyný qaǵıdalaryna sáıkes kábildik kárizdi jalǵa alýshylardyń barlyq sanattaryna teń jaǵdaıda kórsetiledi.
2. Kábildik kárizdi paıdalanýǵa berý tártibi
4. Kábildik kárizdi paıdalanýǵa berý mynadaı:
1) kábildik kárizdi paıdalanýǵa berý boıynsha qyzmetterdi alýǵa erkin nysanda ótinish berýshiniń jalǵa berýshige ótinim jiberýi;
2) jalǵa berýshiniń TT ázirleýi jáne ony ótinish berýshige berýi;
3) ótinish berýshi úshin kábildik kárizden jalǵa berýshiniń oryndy brondaýy;
4) jalǵa berýshiniń kábildik kárizde baılanys kábilin júrgizýdiń jumys jobasyn kelisýi;
5) kábildik kárizdi paıdalanýǵa berýge shart jasaýy;
6) kábildik kárizde baılanys kábilin júrgizýge jáne kábildik kárizdi paıdalanýǵa jalǵa berýshiniń tehnıkalyq qadaǵalaýy kiretin, uıymdastyrýshylyq-tehnıkalyq is-sharalar keshenin bildiredi.
5. Kábildik kárizdi paıdalanýǵa berý boıynsha qyzmetterdi alý úshin ótinishte (budan ári - ótinish) mynalar:
1) ótinish berýdiń kúni men ýaqyty (saǵat, mınýt);
2) ótinish berýshiniń ataýy, onyń ornalasqan jeri (zańdy mekenjaıy), banktik rekvızıtteri, jeke sáıkestik nómiri/bıznes-sáıkestik nómiri;
3) kábildik kárizde baılanys kábilderin júrgizý (kábildiń túrin, markasyn jáne syrtqy dıametrin kórsete otyryp) josparlanyp otyrǵan, ótinish berýshi obektileriniń meken-jaılary;
4) josparlanyp otyrǵan kábildi júrgizýdiń jáne ony odan ári paıdalanýdyń maqsaty kórsetiledi.
6. О́tinish eki danada jalǵa berýshige beriledi, onyń bireýi kelip túsken kiris tirkeý nomerimen jalǵa berýshi ótinish berýshige qaıtarady.
7. О́tinishterdi jalǵa berýshi túsý reti boıynsha qarastyrady.
8. Kábildik kárizdiń bos syıymdylyǵy bolmaǵan jaǵdaıda jalǵa berýshi ótinish alǵan kúnnen bastap kúntizbelik on kún ishinde ótinish berýshige, oǵan qajetti baǵyt boıynsha sharttyq negizde qoldanystaǵy kábildik kárizdi keńeıtýdi júrgizýdi usynady.
9. Kábildik kárizdiń bos syıymdylyǵy bolmaǵan jáne ótinish berýshi kábildik kárizdi keńeıtýden bas tartqan jaǵdaıda jalǵa berýshi ótinishti alǵan kúnnen bastap kúntizbelik otyz kún ishinde ótinish berýshige kábildik kárizdi paıdalanýǵa berýden bas tartýy týraly jaýap beredi.
10. Kábildik kárizde bos syıymdylyq bar bolǵan jaǵdaıda, jalǵa berýshi ótinishti alǵan kúnnen bastap kúntizbelik otyz kún ishinde ótinish berýshige TT beredi, onyń negizinde ótinish berýshi baılanys kábilin júrgizýge jumys jobasyn ázirleıdi nemese ázirleýge tapsyrys beredi.
TT berý kezinde ótinish berýshiniń qarajaty esebinen salynǵan baılanys kábilderin jáne kábildik kárizdiń obektilerin jalǵa berýshiniń menshigine berý talaby belgilenbeıdi.
11. Jalǵa berýshiniń TT ázirleýi men berýi mynalardy:
1) kábildik kárizde bos orynnyń bar bolýyn anyqtaý jáne kábildik kárizdiń qaıta qurýyn júrgizetin ýchaskelerdi aıqyndaý boıynsha izdestirý jumystaryn;
2) kábildik kárizde bos oryndy rezervke qoıý (bronǵa qoıý) týraly derekterdi tehnıkalyq esepke alý júıesine engizýdi;
3) jalǵa berýshiniń kommýnıkasııalary boıynsha kábildi júrgizýdiń ońtaıly trassasyn anyqtaýdy;
4) baılanys kábilin júrgizý sulbasyn (trassasyn) ázirleýdi;
5) tıisti sharttardyń jobalaryn daıyndaýdy qamtıdy.
12. TT berilgen kúninen bastap bir jyl ishinde jaramdy bolyp sanalady.
13. TT berilgen kezde, jalǵa berýshi bir ýaqytta kábildik kárizdiń arnasynda oryndardy bronǵa qoıady.
Jalǵa berýshiniń ótinish berýshi úshin kábildik kárizde oryndardy bronǵa qoıýy berilgen TT sáıkes ári qaraı paıdalaný úshin kábildik kárizdiń arnasynda oryndardy ótinish berýshige bekitýdi qamtıdy.
14. О́tinish berýshi TT alǵannan jáne kábildik kárizde oryndardy bronǵa qoıǵannan keıin ótinish berýshi kábildik kárizde kábildi tóseý úshin jumys jobasyn daıyndaıdy, ol jalǵa berýshimen kelisiledi. jalǵa berýshiniń kábildik kárizde baılanys kábilin tóseýdiń jumys jobasyn kelisýine mynalar:
1) kábildi tóseý jolyn tekserý;
2) kábildiń tóseý kartogrammasyn baılanys kábili tóseletin arnany alýdyń durystyǵyna tekserý;
3) jobalanǵan baılanys kábiliniń tóseý shartyn anyqtaý kiredi.
15. Jumys jobasyna qoıylatyn talaptar ótinish berýshige jobalaýdy bastaǵanǵa deıin beriledi nemese jalǵa berýshiniń ınternet-resýrsynda jarııalanady.
16. Jalǵa berýshi jumys jobasyn alǵan kúnnen bastap on jumys kúni ishinde jumys jobasyn kelisedi nemese ótinish berýshini kelisýden bas tartý týraly erkin nysanda jazbasha habarlaıdy.
17. Jumys jobasyn keliskennen keıin jalǵa berýshi men ótinish berýshi kábildik kárizdi paıdalanýǵa berý týraly shart jasaıdy.
18. Kábildik kárizdi paıdalanýǵa berý týraly shartta (budan ári – Shart) mynadaı:
1) kábildik kárizdiń jaı-kúıine jalǵa berýshiniń tehnıkalyq qadaǵalaýy týraly;
2) kábildik kárizdi paıdalaný týraly;
3) kábildik kárizde ornatylǵan tehnıkalyq quraldardy, ınjenerlik jáne óndiristik qurylǵylardy paıdalaný jáne kútim jasaý týraly;
4) jalǵa berýshiniń kábildik kárizge paıdalanýshylyq kútim jasaýdy jáne jóndeýdi kelisýi jáne júrgizýi týraly;
5) kábildik kárizdi paıdalanýǵa berýge ózara esep aıyrysý týraly;
6) kábildik kárizdegi resýrstardy bosatý (kárizdi bólshekteý) týraly;
7) kábildik kárizge qol jetkizýdi uıymdastyrý týraly talaptar qamtylady.
19. Kábildik kárizde baılanys kábilin júrgizýge jáne kábildik kárizdi paıdalanýǵa jalǵa berýshiniń tehnıkalyq qadaǵalaýyna mynalar:
1) berilgen TT sáıkes jáne kelisilgen jobaǵa sáıkes jalǵa berýshiniń kábildi júrgizýge ruqsat-narıad berýi;
2) jumys júrgiziletin jerge jalǵa berýshi mamandarynyń barýy;
3) kábildik káriz arnasynda kábildi júrgizý boıynsha jumystardy oryndaıtyn uıymdardy jalǵa berýshiniń tehnıkalyq qadaǵalaýy;
4) kábildik káriz arnasynda júrgizilgen baılanys kábiline kútim jasaý boıynsha kábildik kárizde josparly jáne jospardan tys jumystardy oryndaıtyn uıymdardy jalǵa berýshiniń tehnıkalyq qadaǵalaýy;
5) júrgizilgen baılanys kábilderin jóndeý jáne qalpyna keltirý jumystaryn júrgizetin, qaıta qurýdy oryndaıtyn uıymdardy jalǵa berýshiniń tehnıkalyq qadaǵalaýy kiredi.
20. Kábildik kárizdi jalǵa berýshi jalǵa alýshyǵa Shartta belgilengen talaptarǵa sáıkes kábildik kárizge qoljetimdik beredi.
21. Jumys jobasyna sáıkes kábildik kárizde qurastyrý jumystaryn júrgizýge ruqsat alý úshin jalǵa alýshy jalǵa berýshige jazbasha túrde ótinish jasaıdy. О́tinishte jumys jobasyna sáıkes jumystar oryndaý josparlanyp otyrǵan kábildik kárizdiń ýchaskesi (ýchaskeleri) jáne osy jumystardy júrgizý merzimderi anyqtalady.
О́tinishke mynalar:
1) kábildik kárizdiń ýchaskesinde jumystar júrgizetin tulǵalar tizbesi;
2) qurylys jumystaryn oryndaý úshin merdiger uıym tartý týraly jalǵa alýshynyń kepildeme haty (jumysqa tartylǵan jaǵdaıda);
3) kelisilgen jumys jobasynyń kóshirmesi;
4) Sharttyń derektemeleri;
5) arhıtektýra, qala qurylysy jáne qurylys salasynda sharýashylyq qyzmetti júzege asyrýǵa arnalǵan lısenzııalardyń kóshirmeleri nemese osyndaı lısenzııasy bar merdiger uıymmen jasalǵan sharttyń kóshirmeleri qosa beriledi.
22. Jalǵa berýshi ótinish tirkelgen kúnnen bastap 10 (on) jumys kúni ishinde usynylǵan qujattardy tekseredi, jumystardyń júrgizý merzimderi men tártibin kelisedi, kábildik kárizdiń tehnıkalyq jaı-kúıin tekseredi jáne jumystar oryndaý josparlanyp otyrǵan ýchaskedegi (ýchaskelerdegi) kábildik kárizdi jalǵa alýshyǵa (merdigerge) osy ýchaskelerde kábildik kárizdiń naqty jaı-kúıi anyqtalatyn tıisti aktini resimdeı otyryp, tapsyrýdy uıymdastyrady. Kábildi júrgizý boıynsha jumystardy oryndaý múmkin bolmaǵan jaǵdaıda, aktimen aqaýlardy joıý tártibi men merzimderi aıqyndalady.
Aqaýlar joıylǵannan keıin Kábildik kárizdiń ýchaskesin berý týraly tıisti akti jasalady.
23. Jalǵa alýshy (merdiger) jumys jobasyna sáıkes kábilderdi qurastyrýdy júrgizedi.
Jalǵa alýshynyń baılanys kábili TÝ sáıkes kábildik kárizdiń jalǵa alynǵan bóliginde ornatylady.
Kábildik kárizdegi jalǵa alýshy jáne/nemese merdiger júrgizetin barlyq qurylys-qurastyrý jumystary jalǵa berýshiniń tehnıkalyq qadaǵalaý jónindegi ınspektorymen kelisiledi jáne sonyń qadaǵalaýymen oryndalady.
Baılanys kábilin júrgizý boıynsha oryndalǵan jumystardyń jumys jobasyna, qoldanystaǵy normalarǵa jáne TT-ǵa sáıkestigin ornatý maqsatynda, sondaı-aq jumystardy júrgizý sapasyn anyqtaý úshin sońǵylary qabyldaýǵa jatady.
24. Kábildik kárizdegi josparly paıdalaný jumystary jalǵa alýshymen nemese tek jumystarǵa ótinimdi keliskennen keıin onyń atynan áreket etetin merdigermen jáne jalǵa berýshiniń tehnıkalyq qadaǵalaý jónindegi ınspektorynyń baqylaýymen oryndalady.
Jalǵa alýshynyń josparly paıdalaný jumystary bastalǵanǵa deıingi 3 (úsh) jumys kúni buryn joldanatyn habarlamasynda júrgiziletin jumystardyń josparly kólemi jáne jobalanǵan merzim kórsetiledi.
25. Jospardan tys paıdalaný jumystary týraly jalǵa alýshy jalǵa berýshige telefon arqyly, sodan keıin kelesi jumys kúniniń aıaǵyna deıin jazbasha rastaý jibere otyryp habardar etedi. Habarlamada jospardan tys paıdalaný jumystaryn júrgizýdi bastaý ýaqyty kórsetiledi.
Habarlama negizinde jalǵa berýshi jalǵa alýshy kórsetken jospardan tys paıdalaný jumystaryn júrgizýdi bastaý ýaqytynan bastap jalǵa alýshyǵa kábildik kárizge qoljetimdilik beredi jáne tıisti jumystar júrgizý barysynda olar tolyqtaı aıaqtalǵanǵa deıin tehnıkalyq qadaǵalaýdy qamtamasyz etedi. Jalǵa alýshy jospardan tys paıdalaný jumystaryn aıaqtaǵannan keıin taraptar tıisti aktimen jumystardyń oryndalýyn rastaıdy.
26. Bir arnada júrgiziletin barlyq túrdegi baılanys kábilderiniń sany júrgiziletin kábilder dıametrleriniń somasy kábildik arnanyń 0,75 dıametrinen aspaýy tıis degen talaptarmen anyqtalady.
27. Jalǵa berýshi kábildik kárizdi paıdalanýǵa berý kezinde bos jáne qoljetimdi oryndardyń bar bolýy týraly derekterdiń elektrondy bazasyn, sondaı-aq ınjenerlik kommýnıkasııanyń sulbalaryn júrgizýdi jáne únemi jańartyp turýdy qamtamasyz etedi.
Buıryq Qazaqstan Respýblıkasynyń Ádilet mınıstrliginde 2016 jylǵy 29 aqpanda Normatıvtik quqyqtyq kesimderdi memlekettik tirkeýdiń tizilimine №13328 bolyp engizildi.