Aqıqaty aıtyldy

Keshe Ortalyq saılaý komıs­sııa­synyń otyrysy ótip, onda prezıdenttikke kandıdattar – Parlament Senatynyń depýtaty, Qazaq­stan Patrıottary partııasynyń tóraǵasy Ǵanı Qasymovtyń, ózin-ózi usynǵan kandıdat Adalbek Qu­nanbaevtyń memlekettik tildi meń­gergendigin anyqtaý týraly jáne ózin-ózi usynǵan Amantaı Asyl­bekti úmitkerler tizimine qospaý jóninde másele qaraldy. Ortalyq saılaý komıssııasy­nyń hatshysy Baqyt Meldeshovtiń habardar etýinshe, Ǵanı Qasy­mov­tyń Konstıtýsııada jáne «Saılaý týraly»  Konstıtýsııalyq zańda qoıylatyn talaptarǵa sáıkes keletindigi anyqtalǵan. Endi oǵan qol jınaý úshin qol qoıý paraqtary beriledi.  Eger kandıdat kem degende 91010 saılaýshynyń qolyn jınap, ol rastalsa,  Ǵanı Qasymovty Or­ta­lyq saılaý komıssııasy prezıdenttikke kandıdat retinde tirkeıtin bolady. Ortalyq saılaý komıssııasy Adalbek Qunanbaevty kandıdat retinde tirkeýden bas tartý týraly qaýly qabyldady. OSK hatshysy  Baqyt Meldeshovtiń otyrysta ha­bar­laǵanyndaı,  kandıdattyń Lın­gvıs­tıkalyq komıssııanyń otyry­synda onyń memlekettik til – qa­zaq tilin erkin meńgermegendigi tý­raly qabyldaǵan sheshimi basshy­lyq­qa alynǵan. О́ıtkeni, ol Lın­gvıstı­kalyq komıssııanyń otyry­syn­da berilgen tapsyrmalardy talap deń­geıinde oryndaı almaǵan. Muny kandıdattyń ózi de moıyndaǵan. Ortalyq saılaý komıssııasy Lın­gvıstıkalyq komıssııanyń oty­ry­syna úsh ret kelmegen Amantaı Asylbekti  prezıdenttikke kandıdattar tizimine qosýdan bas tartý tý­ra­ly qaýly qabyldady. Qaýlyda by­laı delingen: «...QR prezıdenttigine kandıdat A.H.Asylbektiń Lın­gvıs­tıkalyq komıssııanyń otyrysyna kelmeýine baılanysty onyń QR Konstıtýsııasynyń jáne «Saılaý týraly» Konstıtýsııalyq zańnyń mem­lekettik tildi erkin meńgerý bóligindegi  talaptaryna sáıkestigi anyqtalmady dep kórsetilsin». Álısultan QULANBAI.