Jańa mindetter júgi

Jańa Joldaýdyń janymyz­ǵa jaqyn, qýana quptaıtyn ja­ńalyǵy – tilderdi damytýǵa erekshe kóńil bólinýi. Bul jó­ninde arnaıy taraý berilgen.  «Bizdiń mindetimiz 2017 jylǵa qaraı memlekettik tildi biletin qazaqstandyqtar sanyn 80 paıyzǵa deıin jetkizý. Al 2020 jylǵa qaraı olar keminde 95 paıyzdy quraýy tıis. Endi on jyldan keıin mektep bitirýshi­lerdiń 100 paıyzy memlekettik tildi bilip shyǵatyn bolady», dep naqty atap kórsetildi. Bul – jaýapkershiligi mol úlken mindet. Onyń oıdaǵydaı oryndalýyna qazaqstandyq árbir azamattyń yqylasy men yntasy, uıymshyldyǵy qajet. Muny memlekettik til jan­ashyr­laryna degen  shynaıy qam­qorlyq pen qoldaý dep ba­ǵalaýǵa tıispiz. Osy múmkin­dikti baǵamdaı, baǵalaı, oryn­dy paıdalana bilýimiz qajet. Árıne, 95 paıyzdan astam jergilikti ult ókilderi turatyn Syr óńirinde Joldaýda belgilengen mindet qazirdiń ózinde oryndalyp ta otyr. Degenmen, barlyq mekemelerde is qaǵaz­daryn memlekettik tilde júr­gizýde, ulttyq salt-dástúrlerdi jańa talapqa saı óristetýde jetildire túsetin jaılar da jetkilikti. Sondyqtan aldaǵy ýaqytta da tildi damytýdaǵy ıgi sharalardyń óristeı beretinine senemiz. Mahmutbaı ÁMIREULY, «Syr mektebi» gazetiniń bas redaktory. Qyzylorda.