Tórt altyn medal

Azıada alamanynda Alekseı Poltoranın osyndaı jetistikke qol jetkizdi

...Alekseı Poltoranın 11 jasynan bastap shańǵy spor­ty­men jattyǵa bastady. Bapkeri A.Nakonechnyı alǵan betinen qaıt­paı­tyn qaısar balanyń bo­la­sha­ǵynan úmit kútken edi. Sebebi, ol basqalarǵa qaraǵanda ta­bandy­lyq­pen uzaq jattyǵ­a­tyn, senbi, jeksenbi kúnderi de shańǵysyn kıip alyp ný or­man­nyń ishinde jalyqpaı júgire­tin. Sol on bir jasar bala al­ǵash ret oblystyq, respýb­lı­kalyq jarystarda top jarmasa da alǵashqy altylyqqa enip júrdi. Arada úsh jyldan keıin Alekseı jasóspirimder arasyn­daǵy álem chempıonatyna qa­ty­sý múmkindigine ıe boldy. 2004 jyly Norvegııada shań­ǵy sportynan jasóspirimder ara­synda álem chempıonaty ótti. Qazaqstan quramasynyń sapyn­da rıdderlik 17 jasar Alekseı Pol­toranın de bar. Jarystyń úshinshi kúni ol bir top áriptes­terimen birge estafetalyq ja­rysqa tústi. 10 shaqyrymdyq estafetaǵa bes komanda qatysty. Qazaq­stan­dyq shańǵyshy qarsylas­tarynan bes sekónt keshigip es­tafeta taıaqshasyn aldy. Alekseı bes júz shaqyrym júgir­gen­nen keıin qarsylasyn qýyp jetip, jeti sekónt erte jetip, tór­tinshi kezekte júgiretin áripte­sine berdi. Alekseıdiń altyn ýa­qyty qu­rama jigitterine al­tyn alqa syı­lady. Tórt jigittiń qýanyshynda shek joq, bir-birin qushaqtap, qut­tyqtap jatyr. Sol jyly 17 jasar shańǵyshy halyqaralyq dáre­je­degi sport sheberi ataǵyna ıe boldy. 2007 jyly Qytaıdyń Changchýn qalasynda ótken VI Qysqy Azııa oıyndarynda Alekseı ta­ǵy da altynsyz qaldy. Sprıntte ekinshi, on shaqyrymdyq erkin júgirýde de kúmis alqany ıelendi. Kanadanyń Vankýver qala­syn­da ótken HHI Qysqy Olımpııa oı­yndaryna Alekseı tas-túıin ázirlikpen keldi. Munyń aldynda shańǵy sportynan ótken álem ký­bogy jarystarynda jaman ná­tı­je kórsetken joq. Birer ret alty­lyqqa engen azamattan bapkeri úmit kútkeni jasyryn emes. Vankýverge jınalǵan kileń bir yǵaı-syǵaılar altyn alqany sarapqa sala bastady. Norvegııalyq ataq­ty shańǵyshy Nortýktyń jul­dyz­dy shaǵy týǵandaı. Ol eki al­tyn­dy talassyz jeńip aldy. Mine, sprınttik jarysta da altyn alqa meniki degendeı tákapparlana qa­raıdy. Sprınttik jarysta Alekseı ataqty Nortýkpen úzeńgi qa­ǵys­tyryp kele jatqan. Nortýktan qalyp qoımasa áıteýir bir medaldy alatynyna senimdi edi. Amal bar ma, burylysta shalynyp qulap, kóm­bege besinshi bolyp jetti. «Átteń» qulap qalmaǵanda, úshin­shi orynǵa taban tireri sózsiz edi. Budan keıin komandalyq sprıntte de besinshi bolyp máre syzyǵyn qıdy. Bul Alekseıdiń tamasha ta­bysy edi. Olımpııa oıyndarynda qatarynan eki ret besinshi bolyp kelýi jaqsy nátıje. Budan keıin de talapty jas Fransııada ótken 23 jasqa deıingi álem chem­pıo­na­tynda kúmis medaldy jeńip aldy. Al byltyrǵy jyldyń 11-16 jeltoqsanynda Shveısarııanyń Da­vos qalasynda shańǵydan ótken álem kýbogy kezeńinde Alekseı al­tyn júldeni ıelenip, aıdy as­pan­ǵa shyǵardy. Arada V.Smır­nov­­tyń 12 jylǵy úzilisinen keıingi jeńisi qaıtalandy. Ádette álem kýbogy kezeńi álem chem­pıo­na­ty­nan kem emes. Eýropa elderiniń shańǵyshy­lary kýbok dese ishken asyn jerge qoıatyny belgili. Demek, rıdderlik sańlaqtyń bul tabysy el tarıhyndaǵy eleýli oqıǵa. Azııa oıyndary bastalar sátte shańǵy salasyn ustaǵan basshylar Alekseıge úlken mindet júktedi. Bes qashyqtyq boıynsha birneshe altyn, kúmis, qola alqany ıelený qajet. Azııa oıyndary qarsańynda Astana men Almatyda ǵalamat sport saraılary salyndy. Short-trek ótken velotrek, kon­kımen júgiretin sport kesheni qandaı ásem. Biz ekono­mı­kasy erekshe damyǵan Italııanyń Týrın qalasyndaǵy sport keshenderin aralap, kózben kórgen edik. Týrındegi konkıshiler ja­ry­sy ótken saraıdan Astana­da­ǵy keshen áldeqaıda eńseli, ál­deqaıda ásem, kórikti desem, qatelese qoımaspyz. Al Alma­ty­men irgeles Talǵar qalasy mańyndaǵy qatar-qatar qonys tepken shańǵy jáne bıatlon stadıondaryn kórgen kezde erik­siz rıza boldyq. Munda shańǵy jarysynan keıin otyz-qyryq metr jerdi attasań bıatlondy tamashalaýǵa bolady. Soldatsaı shatqalynda al­ǵash­qy kúni Alekseı Poltoranın men Nıkolaı Chebotko sprınt­tik qashyqtyqta óner kórsetti. Taǵy da kóz aldymyzǵa Týrın elestedi. Ol joly Chebotko jerlesi Nıkolaı Koshevoımen birge júgirip, altynshy orynǵa taban tiregen. Jaqsy kórsetkish. Al Soldatsaıda altyndy qoldan bermeý kerek. Sprınttik jarys qyzyqty, kó­rer­menderin ja­lyq­tyrmaıdy. Al Alekseı birinshi bolyp júgir­di, alda keldi de Chebotkony jigerlendirdi. Olar alty aınalym boıy kósh bastap, 22 mınót 46,2 sekónt ýaqytta máre syzyǵyn qıdy. Alǵashqy altyn qolda. Budan keıin de jeńisti kúnder jalǵa­syn taýyp, Alekseı úsh altyn, bir qolany ıelendi. Nátı­je­sin­de rıdderlik sańlaq tórt altyn, bir qolaǵa qol jetkizdi. Shy­ǵys­qazaqstandyq N.­Ko­lomı­na, O.Iаskaıa sııaqty shań­ǵyshy qyz­dar da tórt altyn, eki kúmis, bir qolany qorjynǵa saldy. Eń qýanyshtysy, Alekseıdiń ju­baıy bıatlonshy Olga Poltoranına da bir altyn alqany syılady. Elge oralǵan soń oblys ákimi B.Saparbaev eldiń abyroıyn asqaqtatqan sańlaqtarǵa qurmet kór­setti. A.Poltoranın, Iý.Ga­ly­sheva, E. Kolomına, O. Iаskaıaǵa temir tulpardyń kiltin tabys etip, qarjylaı qoldaý kórsetti. Alda – Sochı Olım­pıa­da­sy. Alekseıdiń armany Olımpıada alqasyn ıelený. Ońdasyn ELÝBAI.