Memlekettik tildiń mártebesin arttyrý men qoldanys aıasyn keńeıtý, oqyp-úırený baǵytyndaǵy jumysty jetildirý – ár mekemedegi qyzmetkerlerdiń negizgi mindeti. Joldaýda osyǵan baılanysty tyń mindetter atap kórsetilse, naqty isterimen tanylǵandar tabysy da atap aıtarlyqtaı.
Oblystyq ádilet departamentinde memlekettik tildi damytýǵa erekshe kóńil bólinip, onyń mártebesin arttyrýǵa baılanysty jyl saıyn kóptegen is-sharalar uıymdastyrylyp keledi. Nátıjesinde, tilderdi qoldaný men damytýdyń memlekettik baǵdarlamasyn júzege asyrýda 2010 jyldyń qorytyndysy boıynsha is qaǵazdaryn memlekettik tilde júrgizý, kelýshilerge zań sheńberinde mádenıetti qyzmet kórsetýde baǵytyndaǵy tabystary úshin ádilet departamenti áriptesterinen alda bolyp, baıqaýda «Úzdik mekeme» atanyp dıplom, baǵaly syılyqpen marapattaldy.
Memlekettik qyzmetkerler arasynda mereıleri ústem bolyp, baıqaýda baqtary janǵan olar ana tilimizdiń erteńi jolyndaǵy jaqsy isterin jalǵastyrýda.
Kúmisjan BAIJAN, Almaty oblysy.