Qazaqstan Prezıdenti Nursultan Nazarbaev aýyl sharýashylyǵy daqyldaryn ósirýmen aınalysatyn kásiporyn jumysymen tanysty, dep habarlaıdy Egemen-aqparat.
Memleket basshysyna jıyn-terin naýqanynyń barysy, óńirdegi agroónerkásip kesheniniń negizgi kórsetkishteri jáne ony damytý jolynda atqarylyp jatqan sharalar týraly baıandaldy.
Qazaqstan Prezıdentine Soltústik Qazaqstan oblysyndaǵy kásiporyndar shyǵaratyn aýyl sharýashylyǵy tehnıkasy úlgileri kórsetildi.
Sondaı-aq, Nursultan Nazarbaev mehanızatorlarmen jáne oblystyń jetekshi agrarlyq kompanııalary ókilderimen áńgimelesti. Kezdesý barysynda elimizdiń táýelsizdigi jyldary osy salada bolǵan oń ózgerister jóninde aıtyldy.
«Sizderdiń sharýashylyqtaryńyz Soltústik Qazaqstan oblysynyń tek qana bıdaı óndiretin óńir emes ekenin dáleldep berdi. Bul jerde maıly daqyldardyń da barlyq túri jaqsy ósedi. Búginde agroónerkásip sektorynda negizgi máselelerdiń bári sheshimin tapty. Endi eńbek ónimdiligin jáne óndiriletin ónim sapasyn arttyrý qajet», – dedi Memleket basshysy.
Elbasyǵa sharýalar jan-jaqty qoldaýy jáne aýyl sharýashylyǵy salasyndaǵy tıimdi memlekettik saıasaty úshin alǵystaryn bildirdi.
Sońynda Nursultan Nazarbaev jınalǵandarǵa jemisti jumys, tabys pen baq-bereke tiledi.
Egemen-aqparat