Prezıdent Nursultan Nazarbaev kórmede Soltústik Qazaqstan oblysyndaǵy kásiporyndar shyǵarǵan áskerı tehnıkamen tanysty, dep habarlaıdy Egemen-aqparat.
Qazaqstan Prezıdentine otandyq qorǵanys ónerkásibiniń óndiristik múmkindigi men joǵary ınnovasııalyq áleýeti kórsetildi.
Kórmeni aralap shyqqan soń Nursultan Nazarbaev «S.M.Kırov atyndaǵy zaýyt» AQ, «Petropavl aýyr mashına jasaý zaýyty» AQ jáne «ZIKSTO» AQ áskerı-óndiris kásiporyndarynyń ınjenerlerimen jáne konstrýktorlarymen áńgimelesti.
Áskerı tehnıka qurastyrýmen qatar elektrlik belgi berý jabdyqtaryn, azamattyq jáne arnaıy maqsattaǵy radıostansalardy, munaı-gaz sektory men energetıka kesheni kásiporyndary úshin ónerkásip qurylǵylaryn, vagondar (ashyq vagondar, astyq tasıtyn vagondar, platformalar) jáne kólik salasy úshin basqa da ónim túrlerin shyǵarý men jańartý atalǵan kásiporyndardyń negizgi qyzmeti bolyp sanalady.
Egemen-aqparat