Qazaqstannyń Nıderlandtaǵy elshiliginiń uıymdastyrýymen Gaaga qalasynyń ákimshiliginde Qazaqstan Táýelsizdiginiń 25 jyldyq mereıtoıyna arnalǵan «Qazaqstan – Uly Dala eli» fotosýretter kórmesi ashyldy.
Elýden astam arnaıy fotojınaqta Qazaqstannyń qazirgi zamanǵy ómiri men mádenıeti, Uly Dalanyń tabıǵı baılyǵy, ejelgi tarıhı eskertkishteri men XXI ǵasyrdaǵy sáýlet óneri usynylǵan. Elordanyń biregeı arhıtektýrasy – Báıterek monýmenti, Astana Opera ǵımaraty, Áziret Sultan meshiti men Beıbitshilik jáne kelisim saraıy, t.b. nysandar erekshe qyzyǵýshylyq týǵyzdy.
Kórmege Qazaqstannyń táýelsiz 25 jyldaǵy eń mańyzdy jetistikteriniń biri – beıbitshilik pen ultaralyq kelisimin kórsetetin fotosýretter qoıylǵan. Olar Qazaqstannyń ósip-órkendegen el, ortaq ıdeıany ulyqtaǵan kóp ultty halyq ekenin pash etedi. Jalpy, «Qazaqstan – Uly Dala eli» fotokórmesi Gaaga ómirindegi eleýli mádenı oqıǵa retinde kórinis berse, ony kún saıyn myńnan astam turǵyn men qala qonaqtary tamashalaýda.
«Egemen-aqparat»