Qazaqstan Respýblıkasy Táýelsizdiginiń 25 jyldyǵyna oraı Qazaqstannyń Grekııadaǵy elshiligi men Grekııanyń Qazaqstandaǵy elshiligi eki memlekettiń mádenıet jáne sport mınıstrlikteriniń qoldaýymen Grekııa astanasy – Afınada ústimizdegi jyldyń 2 qazanynda Qazaqstan Respýblıkasynyń eńbek sińirgen qaıratkeri Asqar Bóribaevtyń basshylyǵymen Abaı atyndaǵy Qazaq memlekettik akademııalyq opera jáne balet teatrynyń gastrolderi ótetin bolady. Grekııalyq kórermender nazaryna eki balet usyný josparlanýda, olar – «Uly Dala ańyzdary» (Qazaq handyǵynyń 550 jyldyǵyna arnalǵan) men áıgili N.Rımskıı-Korsakovtyń «Shaherezadasy». Qoıylymdar Grekııanyń eń tanymal konserttik zaldarynyń biri sanalatyn, ótken ǵasyrdyń 30-shy jyldary fransýz arhıtektýrasynyń eń úzdik dástúrimen salynǵan «Pallas Teatrynda» ótedi. Gastrolderdiń bas demeýshisi – «Kazkommersbank» AQ.
«Egemen-aqparat»