Eýropalyq odaqqa úmitkerlikke qabyldandy

Bosnııa jáne Gersegovına ótken jyldyń 15 aqpanynda Eýropalyq odaqqa múshelikke ótýge tapsyrys bergen edi. Sol kezde mundaı tapsyrystyń túskenin EO-nyń Shetel isteri jáne qaýipsizdik saıasaty jónindegi Joǵarǵy ókili Federıka Mogerını málimdegen bolatyn. Mogerını hanym mu­ny atalǵan el úshin de jáne Eý­ropalyq odaq úshin de jaq­sy jańalyq retinde qa­byl­­daǵan edi. Brıýsselde Bos­nııa jáne Ger­se­go­vınanyń Eýro­pa­lyq odaqqa ótýi úshin EO-nyń bar­lyq stan­darttaryna sáıkes kel­meı­tinine qaramastan, Saraevonyń mú­shelikke tapsyrysy qaralatyny atap kórsetilgen bolatyn. Sol tusta Bosnııa jáne Ger­se­govına tóralqasynyń tóraǵasy Dragan Chovıch óz eliniń úmitker retindegi mártebesi kópke sozylmaıtynyna úmit artqan edi. «Bizdi reformalardyń uzaq joly kútip tur. Biraq alǵan betimizden qaıtpaımyz», degen edi D.Chovıch. О́z kezeginde, EO-ny keńeı­tý jáne kórshilestik saıasaty jónindegi eýrokomıssar Iohan­nes Han «Bosnııa jáne Gerse­go­vınanyń EO-ǵa músheligi bir­neshe aı, tipti birneshe jyldan keıin de múmkin emes» ekenin kóldeneń tartqan bolatyn. 2015 jyldyń 1 maýsymynda 2008 jyly qol qoıylǵan EO men Bosnııa jáne Gersegovına ara­syndaǵy turaqtandyrý jáne assosıasııa týraly kelisim kúshine endi. Bul Saraevoǵa Eýropalyq odaqqa qosylýǵa resmı tapsyrys berý úshin beıresmı múmkindik ashqan edi. Kúni keshe Eýropalyq odaq elderi Eýropalyq komıssııaǵa Bosnııa jáne Gersegovınanyń kandıdat mártebesin alǵanyn naqtylaýdy tapsyrdy. «Biz EO-ǵa umtylyp otyrǵan elderge qaraı qadam jasaýǵa tıispiz», dep atap ótti Slovakııa syrtqy ister mınıstrliginiń joǵary shendi ókili Ivan Korchok. Endi Bosnııa jáne Gerse­go­vı­nanyń ekonomıkasy baǵamdalyp, demokratııaǵa qatysty ahýaly men zań ústemdigi jáne adam qu­qy máseleleri saraptalatyn bolady. Bul eldiń múshelikke qatys­ty mindettemelerdi saqtaýǵa qabi­let­tiligin baıqaý úshin qajetti qaǵı­dattar bolyp tabylady. Osy oqıǵaǵa oraı, Bosnııa jáne Gersegovına premer-mı­nıs­tri Denıs Zvızdıch bylaı dep málimdedi: «Biz úshin bul kún – shyn máninde tarıhı kún... Sóı­tip, elimiz Eýropaǵa qatysty ba­ǵy­tyn, ıaǵnı óziniń bolashaǵyn aı­qyn­daı­tyn bolady. Bul jaǵymdy jańa­lyq, ásirese, jastar úshin mańyz­dy». Atap kórsetetin jaıt – eldiń EO-ǵa enýi úshin birneshe aı nemese tipti birneshe jyl qajet bo­lýy yqtımal.