Elordada turǵyn úı qurylysyna úlestik qatysý máseleleri jónindegi vedomstvoaralyq komıssııanyń otyrysy aıasynda 58 nysan turaqty baqylaýǵa alynǵan. Atalǵan nysandardyń qurylysynda Qazaqstan Respýblıkasynyń «Turǵyn úı qurylysyna úlestik qatysý týraly», «Sáýlet, qala qurylysy jáne qurylys qyzmeti týraly» zańdary saqtalmaǵan, sondaı-aq, óndiristik jumystar kesteden aıtarlyqtaı keshiktirilip jatyr eken.
Tıisti zań buzýshylyqtar qala turǵyndarynyń ótinishteri boıynsha jáne kezekti jospar jasaýdyń nátıjesinde anyqtalyp, sol faktiler boıynsha materıaldar quqyq qorǵaý organdaryna jiberilgeni aıtyldy. Árbir nysan boıynsha qurylysty aıaqtaý jónindegi naqty algorıtm ázirlengeni de nazarǵa salyndy. Nysandar turaqty baqylaýǵa alynyp, memlekettik organdar óz quzyrettiligi sheginde belgilegen zań buzýshylyq anyqtalsa, eskertý jasaýmen qatar, kómek kórsetilmek.
Komıssııa otyrysynda qala ákimdigi nysandardy memleket qarjysy esebinen aıaqtaý múmkin emestigin alǵa tartty.
«Egemen-aqparat»