"Nur Otannyń" strategııalyq zertteýler ortalyǵy ashyldy

Keshe «Nur Otan» partııasynyń Saıası taldaý jáne strategııalyq zertteýler ortalyǵyn jurtshylyqqa tanystyrý rásimi ótti. Memleket basshysynyń tapsyrmasymen ashylǵan ortalyq partııa qyzmetterine taldaý jasaýdy qamtamasyz etedi. Ortalyqtyq ashylý saltanatynda partııa Tóraǵasynyń birinshi orynbasary Muhtar Qul-Muhammed: «2016 jyldyń 6 mamyrynda ótken «Nur Otan» partııasy Saıası keńesiniń otyrysynda Nursultan Nazarbaev jetekshi saıası kúsh retinde partııanyń ıdeıalar generatory bolýy kerektigin, ol úshin ózindik myqty taldaý ortalyǵyn qurý qajettigin atap ótti. Búginde bizder Elbasymyzdyń tapsyrmasyn sátti júzege asyrdyq dep maqtanyshpen aıta alamyz», – dedi. Sonymen qatar, ol: «Bel­gili «oı fabrıkalaryn» júze­ge asyrýdyń álemdik tájirı­besin jan-jaqty zertteý negi­zinde búgin jańa ortalyq óz ju­mysyn bastaıdy. Osyǵan oraı, biz álemniń damyǵan elder­in­degi eń jetekshi partııa­lardyń analıtıkalyq qurylym­dary­nyń jumysyn saralaı kelip, sizderdiń nazarlaryńyzǵa ja­ńa ortalyqtyń ashylǵanyn qýa­nyshpen habarlaımyz. Bul orta­lyq Elbasymyz usynǵan qalyp­tasqan memlekettiń jańa saıası, strategııalyq baǵytyn jú­zege asyrýdy taldamalyq ja­ǵynan qamtamasyz etetin bolady», – dedi. Ortalyqty áleýmettik ǵy­lymdar kandıdaty Iýlııa Ký­chınskaıa basqarady. Ashylý sal­tanatynda ol álemde osy­ǵan uqsas 6500-den astam tal­daý alańy bar ekenin atap ótti. «О́zderiniń strategııalaryn jasap, áleýmettik-ekonomıkalyq is-áreketterin jetildirýde, sondaı-aq, saıası sheshimder qabyldaýda saıa­sı partııalar taldaý materıal­dary men zertteý toptarynyń boljamdaryna súıenedi. Endi bizde de AQSh, Ulybrıtanııa, Reseı, Qy­taı, Japonııa jáne Eýropalyq odaq­tyń jetekshi saıası partııalary sekildi ózindik «oı fabrıkamyz» bar», – dedi Iýlııa Kýchınskaıa. Strategııalyq zertteýler or­ta­­lyǵynyń basym baǵyttary: ja­­handyq úderistegi Qazaqstan, jańa shynaıylyqtaǵy aqyldy eko­no­mıka, aqparattyq qaýipsizdik, memle­kettik jáne saıası baǵdarla­ma­lar­dyń nátıjeliligin baqylaý, par­tııalyq júıeniń damýy, qo­ǵamdyq pikirge baqylaý jáne bol­jaý jasaý. Qazirdiń ózinde ortalyqta 30 taldaýshy men sarapshy jumys isteıdi. Olardyń arasynda ǵylym doktorlary men kandıdattary, PhD doktoranttary men magıstranttary, «Bolashaq» baǵdarlamasy men Nazarbaev Ýnıversıtettiń túlek­teri bar. Sarapshylyq qaýym­das­tyqpen birlesken jumys sheń­berinde ortalyq «Sarap Time» pikirsaıys jáne KIPR taldaý klýb­tarymen ózara qarym-qatynas jasaıdy. Ortalyq janynda «Zer­de» saraptama klýby bar. Bul – eli­miz­diń áleýmettik-ekonomıkalyq jáne saıası damýyna qatysty ózek­ti suraqtar boıynsha ǵalymdar men sarapshylardyń pikir-talas alańy bolyp tabylady. Shetel maman­darynyń tájirıbelerin tartý úshin ortalyq janynda halyq­aralyq saraptamalyq keńes qury­l­ǵan. Keńes quramyna iri sarap­tamalyq «oı tresteri» men álem ýnıversıtetteriniń, atap aıtqanda, AQSh, Ulybrıtanııa, Nıderland, Reseı, Izraıl, Sıngapýr, Japo­nııa jáne Ońtústik Koreıadan ókil­der kirgen. Álısultan Qulanbaı, «Egemen Qazaqstan»