Qazaqstan Respýblıkasynyń azamattyǵyn alýǵa múmkindikteri bolmaı júrgen oralmandardyń máselesin eskere otyryp, Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıteti oralman mártebesin joǵaltyp, jeńildetilgen tirkeý tártibimen el azamattyǵyn ala almaı júrgen etnıkalyq qazaqtarǵa oralman mártebesin qaıta berý jóninde sheshim qabyldaǵan.
Osyǵan baılanysty, qazirgi ýaqytta oralman mártebelerin joǵaltqan etnıkalyq qazaqtarǵa óz mártebelerin rastaý úshin oblystyq jumyspen qamtýdy úılestirý jáne áleýmettik baǵdarlamalar basqarmalaryna, Almaty qalasy memlekettik eńbek ınspeksııasy jáne kóshi-qon basqarmasyna, Astana qalasy jumyspen qamtý, eńbek jáne áleýmettik qorǵaý basqarmasyna júginý qajet.
Oralman mártebesin rastaǵannan keıin etnıkalyq qazaqtar tirkeýde turatyn jerleri boıynsha kóshi-qon polısııasy bólinisterine «Qazaqstan Respýblıkasynyń azamattyǵy týraly» zańnyń 16-1-babyna sáıkes Qazaqstannyń azamattyǵyna tirkeý tártibimen qabyldaý týraly ótinish bildire alady. О́tinishti qaraý merzimi úsh aıdy quraıdy.
«Egemen-aqparat»