«Kazakhstan Open» – golf oıyndarynyń jańa tarıhy

Almaty qalasynda golftan «Kazakhstan Open» halyqaralyq týrnıri ótetinin buǵan deıin de jazǵan edik. Búgin álemniń 132 elinen arnaıy kelgen oıynshylar «Jaılaý» golf kesheninde jınalyp, tanysý rásimin ótkizedi. On ekinshi jyl qatarynan ótip, dástúrge aınalǵan jarystyń tizgin qaǵar sátinde Qazaqstan golf federasııasynyń bas hatshysy Konstantın Lıfanovty sózge tartqan edik. – Konstantın, siz «Kazakhstan Open» týrnırin ó­tkizý jumystarynyń basy-qasyn­da júrgeli birshama jyl bolǵan eken. Bul halyqaralyq týrnırdiń basty jetistigi nede? Áýelgi maqsat oryndaldy ma? – Jetistikterdi sanamalaıtyn bol­saq, ótken on eki jyldyq tarı­hy­myzdaǵy jumystar uzaq áńgi­meniń arqaýy bolar edi. Al eń bas­ty jetistigimiz dep, Qazaqstan topy­raǵynda golf oıyndarynyń qalyp­tasyp bolǵanyn tolyq senim­men aıta alamyn. Osydan on eki jyl buryn elimizge álemdik sport elı­tasynyń nazaryn aýdara­tyn­­­daı týrnır ótkizý qajettigin Mem­­­leket basshysy Nursultan Nazarbaev nyqtap tapsyrǵan bolatyn. Halyqaralyq arenaǵa Barys beıneli eldiń dańqyn pash etý úshin tıisti tapsyrma alǵan mamandar­dyń eńbegi men Elbasynyń ıdeıa­sy jemisin berdi. 2004 jyly London­­daǵy Eýropalyq týrdy uıymdas­tyrý­shylardyń ofısinde alǵashqy kezdesý ótti. Shynymdy aıtsam, dál sol sátte bul ıdeıanyń sanaýly jyl­darda, sátti júzege asatyn­dy­ǵy­na golftiń qyr-syryna qa­nyq mamandar túgili ózim de asa senimdi emes edim... О́ıtkeni, ol kezeń­de Eýropada Qazaqstan jaı­­ly maǵlumat óte az edi. Bizdiń sport eli ekenimizdi ileý de bireý ǵa­na mo­ıyndaıtyn. Bizdi óte aýyr synaq kútip turdy. Keremet ju­mys jasaldy. Nátıjesinde, araǵa bir jyl salyp alǵashqy halyq­ara­lyq týrnır ótkizýge qol jet­kiz­dik. Jáne qandaı týrnır deńiz? Shetel­den 130 oıynshy shaqy­ryp, talap­qa saı oıyn alańyn tanys­tyr­ǵanymyzda, olardyń aýyzdary ashylyp qalyp edi... Biz sol joly qazaqtyń qonaqjaılylyǵymen qatar golfti de eýropalyqtardan kem oınamaıtyndyǵymyzdy moıyndatyp jibergen edik. – Demek, «Kazakhstan Open» týrnırin ótkizý elimiz úshin ımıdj qalyptastyrý jolyn­daǵy jańa qadamnyń biri bolǵan eken. Al álem oıynshylary úshin Qazaqstan tek oıyn alań­daryn usynýshy el bolyp otyr ma? Álde, bizde ótetin týrnırler jahandyq jarystardyń aldyn­daǵy «et qyzdyrý» oıyndary sanala ma? – Oıyńyzdy uqqandaımyn. Mynany qarańyz, biz jyl saıyn ótkizetin týrnır European Challenge Tour atty úlken oıynnyń bir butaǵy ispetti. Osy jerde jeńiske jetken oıynshylar Londonǵa joldama alady. Bul – golf tarıhyna engen dástúr. Endi dúnıe júzindegi golf oıyndarynyń tarıhy Qazaqstansyz jazylmaıtyn boldy. Aıtpaqshy, osy Almatynyń jasyl qyratynda alǵash ret chempıon atanǵandar bar. Qazir álemniń golf jankúıerleri tabynatyn Mark Kaımer, Alvaro Kıros, Edýardo Molınarı, Tommı Flıt­výd sııaqty juldyzdardyń tu­saýyn «Kazakhstan Open» kesken edi... – Al óz oıynshylarymyz she? Mysalǵa, álem bizdi golf oınaıtyn el qataryna qosa ma? – 2004 jyly osy qyzmetke kel­genimde golfke qyzyǵýshylyq tany­tatyndardyń barlyǵyn tústep tanıtyn edim, ári ketkende 20 adam bolatyn. Qazir bizdiń kort­tarymyzǵa áýesqoı oıyn­shy­lar kezekke turady desem sen­bessiz... Kásipqoılar klýbynda úsh júzden asa múshe bar. Jerlesimiz, maqtanyshymyz Dáýlet Turlybaev eýropalyq týrnırlerde top jaryp, «kásibı golf oıynshysy» ataǵyn ıelengen. European Tour serııalaryna qatysady. – Otandyq golftiń damýy týraly aıtqanda, tek Almatymen shektelemiz be, álde... – Almatyda eki úlken golf alańy baryn bilesizder, olar dúnıejúzilik talap boıynsha sanaýly 20 oryndardyń qataryna kiredi. Al elimizdegi golftiń damýy jańa kezeńge ótti dese de bola­­dy. Federasııa prezıdenti Nur­­taı Ábiqaevtyń tikeleı tapsyr­masy boıynsha barlyq aımaqta bólimsheler qurylyp jatyr. As­tana, Aqtaý, Qaraǵandy, Shym­kent, Qostanaı jáne Taldyqorǵanda jumys bastaldy. Qazir álemde golf oıyndary buqaralyq sıpat alyp keledi. Olımpıada oıyn­dary­nyń sanatyna qosyldy. Bıyl tuńǵysh ret Rıoda golftan álem chem­pıonyn tanydyq. Qysqasy, Qazaqstandaǵy golftiń damýynan jarqyn bolashaq kútýge bolady. – Konstantın myrza, sońǵy suraq. Myna bastalǵan týrnırde elimizdiń Týyn ustap shyǵatyn oıynshylar bar ma? – Árıne, álemniń nazary bizge aýyp otyrǵanda ári óz topy­ra­ǵymyzda turǵanda oıynnyń Qazaq­stansyz ótýi qısynsyz bolar edi. Biz el ishinde kishi chempıonat ótkiz­genbiz. Top jarǵan oıynshylar týrnırge qatysady. Erteńnen bas­tap Nurtaı Saldarov pen Zııat Seıil­b­ekovterdiń oıyndaryn tama­sha­laıtyn bolamyz. Ekeýi de áýes­qoı golfshi. Al kásipqoı she­ber­­ler­diń qatarynda Aleksandr Von­gaı oınamaqshy, bul jigitti jurt Balalar golfi akademııasynyń dırektory retinde tanýy tıis. Jalpy, ózimizdiń oıynshylar jaıly jıi jazyp tursańyzdar eken. «Egemen Qazaqstannyń» oqyrmandaryna golf oıyny týraly bilý qyzyqty dep oılaımyn. Jáne bizdiń bas aqparattyq seriktesimiz retinde esi­gi­miz ashyq, bárińizdi oıynnyń qona­ǵy bolýǵa shaqyramyn. – Endeshe, jeńis jolynda jolyǵaıyq! Áńgimelesken Qalmahanbet MUQAMETQALI, «Egemen Qazaqstan»  Almaty