Qaraǵandy oblysyndaǵy Balqash qalalyq ákimdiginiń memlekettik qyzmetkerleri kúnde tańerteń jumysqa kiriserdiń aldynda dene shynyqtyrý jattyǵýlaryn jasaıdy. Mundaı ıgi iske uıytqy bolǵan qala ákimi Aleksandr Aglıýlın eken.
«Biz kúnde tańǵy saǵat 8.30-da ákimdik ǵımaratynyń úshinshi qabatyna kóterilip, sondaǵy dálizde dene shynyqtyrý jattyǵýlaryn jasaımyz. Bul bastamany qyzmetkerler qýana qabyl aldy. О́ıtkeni, jattyǵýlar adamdy sergitip, jumysqa degen qulshynysty arttyrady», deıdi qala ákiminiń baspasóz hatshysy Aınur Bekturova.
Keshendi jattyǵýlar moıyn, arqa, qol jáne aıaq bulshyq etteriniń qımyl-qozǵalysyn shıratýǵa baǵyttalǵan. Shamamen alǵanda 15 mınýtqa sozylatyn tańǵy boı jazý jattyǵýlaryn bólim qyzmetkerleri kezektesip júrgizetin kórinedi. Qoly tıgende ákimniń ózi de jattyǵý jasaýshylardyń qataryna qosylady eken.
Aıtýlaryna qaraǵanda, kúni boıy kompıýterdiń aldynda otyratyn memlekettik qyzmetkerler sporttyq jattyǵýlardan keıin deneleriniń qurys-tyrysy jazylyp, ózderin sergek sezine bastapty.
Qaırat Ábildınov