Qazaqstan Respýblıkasynyń Qorǵanys mınıstrliginde Ulybrıtanııa Birlesken Koroldigi men Soltústik Irlandııa Qorǵanys mınıstrliginiń keńeıtilgen Eýropa jónindegi departamentiniń bastyǵy Saımon Lonyń sapary sheńberinde Qazaqstan men Ulybrıtanııa qorǵanys vedomstvolarynyń áskerı-tehnıkalyq yntymaqtastyǵy týraly memorandýmǵa qol qoıyldy.
Memorandýmǵa qol qoıýǵa ózara tıimdi áskerı-tehnıkalyq yntymaqtastyqty júzege asyrý úshin negiz qurýdaǵy eki memlekettiń qorǵanys vedomstvolarynyń nıet bildirýi arqaý boldy.
Qol jetkizilgen ýaǵdalastyqty iske asyrý Qazaqstannyń qorǵanys-ónerkásibi keshenin damytý jáne qarý-jaraq pen áskerı tehnıkany jańǵyrtý maqsatynda ekijaqty baılanysty keńeıtýge yqpal etedi.
Ulybrıtanııa Birlesken Koroldigi men Soltústik Irlandııanyń Qorǵanys mınıstrligimen áskerı yntymaqtastyq 1996 jyldan bastap ekijaqty áskerı yntymaqtastyqtyń jyl saıynǵy jospary boıynsha júrgizilip kele jatqanyn aıta keteıik.
Yntymaqtastyqtyń negizgi baǵyty «Qazbrıg» áskerı qyzmetshilerine Brıtanııa áskerı konsýltatıvtik-jattyqtyrý toby nusqaýshylarynyń «Dala qyrany» oqý-jattyǵýy men trenıngterdiń ótkizilýin qamtıtyn bitimgershilik daıyndyq bolyp tabylady.
Odan basqa, Ulybrıtanııanyń áskerı oqý oryndarynda qazaqstandyq kadrlardy daıarlaý jáne áskerı bilim berý salasyndaǵy ózara is-qımyl júzege asyrylýda.
«Egemen-aqparat»