Teńiz tynyshtyǵyn kúzetedi

Ulttyq qaýipsizdik komıteti Shekara qyzmetine eki aılyq qatań irikteýden ótken áskerge shaqyrylýshylardyń alǵashqy komandasy Astana qalasynan Memlekettik shekarany kúzetý boıynsha Jaǵalyq kúzetý óńirlik basqarmasy ýchaskesine ózderiniń áskerı boryshtaryn óteýge saltanatty jaǵdaıda attandy, dep habarlady QR UQK ShQ-nyń baspasóz qyzmeti.

Qazaqstan Respýblıkasy Prezıdenti Jarlyǵynyń jáne Qazaqstan Res­pýb­lı­kasy Úkimeti qaýlysy­nyń negizinde kóktemde jáne kúzde jylyna eki ret júr­giziletin áskerı sha­qyrý kezeńderiniń – «Kúz-2016» shaqyrý naý­qa­ny­nyń alǵashqy kúni As­tana qalasy boıynsha Qor­ǵa­nys isteri jónindegi de­par­tamenti áskerge jańa sha­qyrylǵan 43 adam Aqtaý qalasyndaǵy UQK ShQ teńiz áskerı bólimderinde qyzmet atqarýǵa attandy.

Astanadan qyzmet at­qarýǵa attanǵan jastardyń kópshiligi «Astana» she­karalyq korablimen shekara kúzetetin bolady. Saltanatty shyǵaryp salý kezinde teńiz shekarashylary arnaıy kıimderimen sapqa turdy.

UQK Shekara qyz­metiniń, As­tana ákim­diginiń, Qorǵanys mı­nıstrliginiń jáne Qor­­ǵanys isteri jónindegi de­par­tamenttiń basshylyǵy, bolashaq shekarashylar­dyń qurdastary, ata-analary, Shekara qyzmetiniń jáne Qarýly Kúshter­diń ardagerleri, sondaı-aq Ota­ny­myzdyń teńiz shebin qorǵap kelgen, bir jyl buryn jas sarbazdardyń qatarynda bolǵan «Astana» shekaralyq korabliniń rýl­­­dik belgi berýshisi matros Shuǵaıyp Sabyrbek áskerge shaqyrylýshylarǵa aq jol tilep, merzimdi qyz­met atqaratyn oryndaryna shyǵaryp saldy.

UQK Shekara qyzmeti dı­rektorynyń orynbasa­ry polkovnık Ashat Ahmetov quttyqtaý sóz sóılep, bú­gingi kúni jas sarbazdar ózi­niń áskerı boryshyn adal jáne laıyqty atqaratyn áskerlerdiń qataryna qo­sylǵanyn aıtty.

Memlekettik shekarany kúzetý, elimizdiń Kaspıı teńizindegi ekonomıkalyq múddelerin qorǵaý teńiz-shekarashylarynyń basty mindeti bolyp tabyla­dy. Kez kelgen aýa raıyn­da olar teńizge shyǵady, shekara buzǵandardyń sońyna túsedi jáne ustaıdy.

Saltanatty is-sha­ra­­dan keıin áskerge sha­qy­ry­lý­shylar shekaralyq avıasııa­men qyzmet atqarý orny­na jóneltildi. Keshegi ás­kerge shaqyrylýshylar qań­tar aıynyń sońyna deıin teńiz oqý ortalyǵynyń bazasyn­da oqýdan ótedi, sodan soń elimizdiń teńiz shebin kú­zetetin bólimshelerge taratylatyn bolady.

Jańa shaqyrylymdy Jaǵalaý kúzeti óńirlik bas­­qar­masynyń qol­bas­shyly­ǵy qarsy aldy. Olardy teńiz shekara­shylarynyń balansynda turǵan shekaralyq korabldermen, katerlermen, tehnıkalar jáne qarý-jaraqtarmen tanystyrdy.

Bir jyldan soń osy jas­­tar týǵandary men ja­qyndarynyń senimdi tire­gi bolatyndaı eseıip, tý­­­ǵan ólkelerine qaıtyp oralady.