Alaman báıgege attandy

Shańǵy Osy kúnderi Norvegııada shańǵydan erler jáne áıelder arasynda álem chempıonaty ótýde. 23 aqpan kúni bastalyp, 6 naýryzǵa deıin jalǵasatyn jarysta 21 medal jıyntyǵy sarapqa salynýda. Onyń 12 júldesi shańǵymen jarysýshylar, beseýi shańǵy men tuǵyrdan sekirýshiler, al tórt medal shańǵy qossaıys­shy­lary úlesine tımek. Álem chempıonatynyń sońǵy kúni erler  arasyndaǵy 50 shaqyrymdyq marafonmen aıaqtalady. Chempıonat Norvegııanyń Holmenkolen eldi mekeninde ótip jatyr. Buǵan deıin osy eldiń Drammen qalasynyń mańynda shań­ǵydan álem kýbogynyń 10-shy kezeńi ótken bolatyn. Álem chempıonaty aldynda ótkizilgen sońǵy synǵa bizdiń keshegi Azıadanyń jeńimpazdary men júldegerleri atanǵan qyz-jigit­teri de qatysyp, laıyqty óner kórsete almady. Erler ara­syndaǵy 15 shaqyrymdyq jarysta Alekseı Poltoranın 32-shi oryndy, Evgenıı Velıchko 39-shy, Sergeı Cherepanov 55, Denıs Volotka 64, al Evgenıı Koshevoı 78-shi orynnan kórindi. Qysqa qashyqtyqta bizdikiler tipti 60 pen 78 orynnyń arasynda qalyp qoıdy. Áıelder arasyndaǵy synda da joǵary nátıje kórsete almadyq. Svetlana Malahova 10 shaqyrymdyq jarysta – 26, Elena Kolomına – 39, Oksana Iаskaıa – 47, Anastasııa Slonova 67-shi oryndy qanaǵat tutty. Tek qana Oksana Iаskaıa sprıntte 6-shy oryn alyp, kóńilimizdi ósirgendeı boldy. Endi shańǵyshylardyń álem chempıonatynda qalaı óner kórsetetinin aıtý qıyn. Ár eldiń eń myqtylary jınalatyn básekede olarǵa tipti ońaı bolmaıtyny sózsiz. Degenmen, úmitsiz shaıtan deıik. * * * Dzıýdo

ALTYN JÚLDE ALDY

Germanııanyń Dıýsseldorf qala­syn­da ót­ken dzıýdodan kezekti álem chem­pıo­na­tyn­da 100 kg. salmaq dáreje­sin­de álem  chempıony Maksım Rakov al­tyn medaldy jeńip aldy. Alǵashqy kezdesýinde ızraıldik Or Sas­sondy jeńgen Maksım, odan keıin shved Martın Pachekti, brazılııalyq Leonardo Leıtıden basym tústi. Al jar­tylaı fınalda Evgenıýs Vorodovkony utqan ol, fınalda nemis Dımırı Petersti aıqyn basymdy­lyq­pen jeńdi. Osy jarysta M.Rakovtan basqa bizdiń taǵy birneshe balýanymyz beldesken edi. О́kinishke qaraı, olardyń bári júldeli oryn­­darǵa kó­terile almady. Solardyń ishin­­de 91 kg. salmaqta kúresken Bolat Tımýr marok­ko­lyq Ál Asrı Muhammed pen koreılik Lı Kıý Vondy jeń­genimen, odan keıin shırek fınal­dyq synda japon Masashı  Ishıamaǵa ese jiberip, besinshi oryn­dy qanaǵat tutty. Taǵy bir júldeden úmit­ti sa­nalǵan 81 kılodaǵy Rınat Ibragımov pen 2009 jylǵy Azııa chem­pıonatynyń qola júl­degeri Ulan Rysqul da qarsylastary­nan utyl­sa, qyzdar arasynda ótken synda Gúljan Isanova alǵashqy kezdesýinde jeńilip qaldy. Dastan KENJALIN.